Төрeк мaтбугaтынa күзәтү - Törek matbuğatına küzätü 01.12.2020
1nçe dekabr’dä basılıp çıqqan qayber törek gazetlarına küzätü
“Star” gazetı: “İlbaşı Ärdoğan yaña “Kovid-19” çikläwlären açıqladı”
İlbaşı Räcäp Tayyip Ärdoğan yaña tör koronavirus (Kovid-19) çaraları qısalarında kürelgän qararlarnı açıqladı. Monıñ nigezendä atna êçendä här kön Törkiyä waqıtı belän säğät kiçke tuğız belän irtänge biş arasında kommendant säğäte bulaçaq. Bu çikläw atna azaqlarında comğa könne säğät kiçke tuğızdan düşämbe könne irtänge bişkä xätle özleksez räweştä ğamäldä bulaçaq.
“Sabah” gazetı: “Ärdoğan: “Aldıbızdağı ayda vakśinaśiyäläwgä başlıybız”
İlbaşı Ärdoğan vakśina mäs’äläsendä dönyadağı täräqqiyätlärne yaqınnan küzätep baruların belderde. “Berençe êtapta 50 million doza öçen kileşü tözedek. Watandaşlarıbız aqça tülämiçä vakśinanı ala alaçaq”, - dip äytüçe Ärdoğan aldıbızdağı ayda sälamätlek saqlawçılarnıñ vakśinaśiyälänä başlanaçağın citkerde.
“Xörriyät” gazetı: “Greśiya başqa işeklärdä çişeleş êzläp yalğış êşli”
Milli saqlanu ministrı Hulusi Akar Greśiyanıñ Könçığış Urta diñgezdä üzsüzle itep söyläşülärdän tıyıluın, başqa işeklärdä çişeleş êzläp yalğış êşläwen belderde. Akar Könçığış Urta diñgez mäs’äläsendä kiyerenkelekne arttırğan yaqnıñ Greśiya buluın belderep, Törkiyäneñ çişeleş öçen zarur bulğannarnı êşlärgä tırışuın äytte.
“Yäni Şafak”: “Azärbaycan ğaskäre 28 yıl yaw astında qalğan Laçınğa kerde”
Azärbaycan armiyası 28 yıl buyı Ärmänstan okkupaśiyası astında bulğan Laçın vilayätenä kerde. Ärmänstan çigendä urnaşqan Laçın Tawlı Qarabax belän Ärmänstan arasında berdänber yul bulğan häm “Laçın koridorı” dip yörtelgän yulnıñ strategik möhimlege arqasında 1990nçı yıllardağı suğışta ärmän köçläreneñ berençe maqsatlarınnan berse bulğan häm 1992nçe yılnıñ 18nçe may könne yawlap alınğan ide.
“Xäbär Türk” gazetı: “Törkiyä iñ tiz üskän il buldı”
Törkiyä öçençe çirek üseş sannarın açıqlawçı 51nçe il bulsa, dönyanıñ iñ tiz üskän ile buldı. Xäzergä qadär Törkiyädän tış barı tik Qıtay, Tayvan’ häm V’etnam pozitiv üseş açıqladı. Qıtay öçençe çirektä ber yıllıq 4.9%, Tayvan’ 3.92%, V’yetnam isä 2.62%qa üste.
