Törek matbuğatına küzätü 18.11.2020
18 nçe noyabr' könne basılıp çıqqan qayber törek gazetlarına küzätü
”Xӓbӓr Törek” gazetı “İlbaşı Ӓrdoğan koronavirus belӓn körӓştӓ yaňa çiklӓwlӓrne açıqladı “isemle yazmasında citkergӓnçӓ, Törkiyӓ ilbaşı Rӓcӓp Tayyip Ӓrdoğan Kovid -19 belӓn körӓş qısasında yaňa çiklӓwlӓr ğamӓlgӓ kerӓçӓgen belderde.
İlbaşı uquçılarnıň öydӓn torıp uquğa küçӓçӓgen hӓm monıň yıl axırına qadӓr dӓwam itӓçӓgen, atna azağında 10.00 – 20.00 sӓğӓt’lӓrennӓn tış komendant sӓğӓte kertelӓçӓgen, sӓwdӓ üzӓklӓre, kibetlӓr, çӓçtaraşlarda êş sӓğӓt’lӓreneň dӓ moňa bӓyle bulaçağın, barlıq sport çaralarınıň tamaşaçısız uzaçağın, kinoteatrlarnıň yıl axırına qadӓr yabıq bulaçağın, restorannarnıň barı tik paket xezmӓte genӓ kürsӓtӓçӓgen citkerde.
”Star” gazetı “Törek ğaskӓre Qarabax yulında” isemle xӓbӓrendӓ yazğança, Azärbaycanğa ğaskär cibärügӓ qağılışlı ilbaşı idaräse kürsätmäse Törkiyä Böyek Millät Mäclese ğomum şurasında qabul itelde.Rusiya belӓn qorılaçaq urtaq üzӓktӓ törek ğaskӓre wazıyfa başqaraçaq.
”Sabah” gazetı ”Ministr Akardan Tön’yaq Kipr Törek Cömhüriyӓte yullaması” isemle xӓbӓrendӓ Törkiyӓ saqlanu ministrı Hulusi Akarnıň ğomum ştab başlığı hӓm Kuveyt komandirları qatnaşında uzğan videokonferenśiyӓdӓ “Törkiyӓ, hӓrwaqıttağıça, Tön’yaq Kipr Törek Cömhüriyӓteneň xaq-xoquqların yaqlayaçaq”dip ӓytüen citkerӓ. Akar Törkiyӓneň garantlığınnan kilep çıqqan cawaplılıqların cirenӓ citkerüne dӓwam itӓçӓgen , bu êşlӓrgӓ başqalarnıň qatışuına röxsӓt itmӓyӓçӓklӓren dӓ assızıqladı.
“Xörriyӓt” gazetı ”Reforma üzençӓlegendӓge hӓr mӓs’ӓlӓdӓ kirӓkle adımnar yasarbız” isemle xӓbӓrendӓ Törkiyӓ qazna hӓm finans ministrı Lütfi Êlvannıň iq’tisadqa qağılışlı süzlӓren uquçıları belӓn urtaqlaşa. Ul:” Bez makroiq’tisadi totrıqlılıqqa, finans totrıqlılığına hӓm bӓyӓ totrıqlılığına zur ӓhӓmiyӓt birӓbez. Bu bezneň yul kartasınıň ğomumi nigezen tӓşkil itӓ. Reforma üzençӓlegendӓge hӓr mӓs’ӓlӓdӓ kirӓkle adımnar yasarbız”,-dide.
“Yaňa Şafak” gazetı “Aqqoyı öçen tarixi adım” isemle yazmasında Törkiyӓ ênergetika hӓm tabiği çığanaqlar ministrlığınıň tvitter akkauntında urın alğan xӓbӓrne citkerӓ. Anda tübӓndӓge yullar bar:”Aqqoyı” atom - töş êlektr stanśiyӓseneň 3 nçe agregatı öçen tözeleş liśenziyӓse birelde. Berençe reaktor 2023 nçe yılda faydalanuğa tapşırılaçaq. “Aqqoyı” ênergiyӓse böten Törkiyӓne yaqtırtaçaq”.
