Törek matbuğatına küzätü 16.11.2020

BASIN ÖZETLERİ                              16.11.2020.

“Xӓbӓr Törek” gazetı ”İlbaşı Ӓdoğannan möhim belderülӓr” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň kiçӓ Tön’yaq Kipr Törek Cömhüriyӓte tözelüeneň 37 yıllığı uňayınnan oyıştırılğan çaralarda qatnaşuı turında yaza. Ӓrdoğan Tön’yaq Kipr Törek Cömhüriyӓteneň sӓyӓsi xӓle turında ”Kiprda 1963 nçe yılda qoral köçe belӓn bozılğan hӓm 1974 nçe yılda tüntӓreleş belӓn yuqqa çıqqan partnyerlıqnı greklar belӓn bergӓ yaňadan torğızu mömkin tügel” dide.

”Star” gazetı “ Berӓw dӓ Törkiyӓ belӓn êlemtӓlӓrebezne özüebezne kötmӓsen” isemle yazmasında citkergӓnçӓ,  Tön’yaq Kipr Törek Cömhüriyӓte ilbaşı Êrsin Tatar kiçӓ Cömhüriyӓt tözelüneň 37 yıllığına bağışlap ütkӓrelgӓn tantanalarda yasağan çığışında Kiprnı töbӓk hӓm dönya öçen ürnӓk tınıçlıq utrawı itӓr öçen törek yağınıň xoquqların hӓm suverenlığın bozmıyça kirӓkle adımnar yasarğa ӓzer buluın belderde. Êrsin Tatar: “Lӓkin berӓw dӓ bezneň Törkiyӓneň garantlığınnan waz kiçüebezne , Törkiyӓ belӓn êlemtӓlӓrebezne özüebezne kötmӓsen. Bez bu könnӓrgӓ niçek ireşkӓnebezne bik yaxşı belӓbez”,- dide.

”Xörriyӓt” gazetı “Professor doktor Uğur Şahinnӓn dönyağa ömet birgӓn süzlӓr” isemle xӓbӓrendӓ uzğan atnada Kovid -19 ğa qarşı tӓwge uňışlı vakśinanı tabuın açıqlağan “ BioNTech” şirkӓteneň yuğarı dӓrӓcӓle citӓkçese professor doktor Uğur Şahinneň mӓs’ӓlӓ belӓn bӓyle möhim süzlӓren uquçıları belӓn urtaqlaşa. Ul:” Barısı da ӓybӓt bulsa bez vakśinanı bu qış axırında , kilӓse yıl başında tarata başlıybız. Cӓygӓ qadӓr zur yoğıntısı bulmas. Cӓyen infekśiya kimi, bu bezgӓ yӓrdӓm itӓçӓk. İň möhime – yazğa çaqlı, yӓisӓ közgӓ qadar yuğarı vakśinaśiyӓlӓw dӓrӓcӓsenӓ ireşü. Kilӓse közgӓ qadӓr moňa ireşӓ alsaq, ul yılda ğadӓti qış ütkӓrӓ alabız”,-dide.

”Yaňa Şafak” gazetı “ Cıyılma komanda Rusiyӓne 3-2 isӓbe belӓn ciňde” isemle xӓbӓrendӓ Törkiyӓ cıyılma futbol komandasınıň millӓtlӓr ligasındağı 5 nçe matçında Rusiya komandasın 3-2 isӓbe belӓn otıp  üz törkemendӓ tӓwge ciňüenӓ ireşüen xӓbӓr itӓ.

”Sabah” gazetı “L’yuis Xêmilton - İstanbulda dönya çempionı” isemle xӓbӓrendӓ Formula -1 dönya çempionatınıň 14 nçe Törkiyӓ turında “Mersedes” uzışçısı L’yuis Xêmiltonnıň ciňügӓ ireşüen belderӓ. Bu ciňüe belӓn 7 nçe tapqır dönya çempionı bulğan Xêmilton êlekkege “Ferrari “ legendası Mixaêl’ Şumaxernıň rekordın quıp citte.