Törek matbuğatına küzätü 26.10.2020
26 nçı oktyabr' könne basılıp çıqqan qayber törek gazetlarına küzätü
”Star” gazetı “Ӓrdoğannan F-35 hӓm S-400 xaqında kisken süzlӓr” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň kiçӓ partiyӓseneň Malatyada uzğan kongressında üze xaqında sośial’ çeltӓrlӓrdӓ belderülӓr urtaqlaşqan Niderlandnıň çiktӓn tış uňçı Gert Vaildersqa “Üz urınıňnı bel, kem belӓn yörgӓneňne isӓplӓdeňme? Bezneň kitapta faşizm yuq, ul sezdӓ bar. Bezneň kitapta sośial’ ğadellek bar” dip reakśiya belderüen citkerӓ. Ӓrdoğan Amerika Quşma Ştatlarınnan kilgӓn F-35 hӓm S-400 belderülӓrenӓ reakśiya belderep,” F-35 öçen adım yasadıq, bezgӓ yanadığız. S-400 lӓrne Rusiyӓgӓ kire cibӓregez didegez. Bez qabilӓ dӓwlӓte tügel. Bez Törkiyӓgӓ sankśiya kertӓbez dilӓr. Soňğa qalmağız, kertegez. AQŞ kem belӓn mataşuın belmi axrısı”dide.
”Sabah” gazetı ”Tuqtağız dip ӓytü waqıtı citte” isemle xӓbӓrendӓ yazğança, Törkiyӓ tışqı êşlӓr ministrı Mӓvlüt Çavuşoğlu Niderlandta çiktӓn tış uňçı pariya başlığı Gert Vaildersqa reakśiya belderep, “Çınbarlıqnı ӓytkӓç Awrupanıň rasistları qabat üzlӓren kürsӓtte. Awrupanıň faşist mentalitetlı sӓyӓsӓtçelӓrenӓ “Tuqtağız” dip ӓytü waqıtı citte”dide.
”Xörriyӓt” gazetı ”Awrupadağı yӓm’sez süzlӓrgӓ êlemtӓ bülege başlığı Fahrettin Altunnan kisken süzlӓr” isemle xӓbӓrendӓ Törkiyӓ ilbaşı idarӓseneň êlemtӓ bülege başlığı Fahrettin Altunnıň “Awrupalılar şunı aňlarğa tiyeş: bez möselmannar ,sez bezne telӓmisez dip, berqaya da kitmibez. Bez üzebezne hӓm bezneke bulğan bar nӓrsane axırğa qadӓr yaqlayaçaqbız”digӓn süzlӓren uquçıları belӓn urtaqlaşa.
”Xӓbӓr Törek” gazetı “Hulusi Akardan Paqıstannan Ӓrmӓnstanğa yullama ” isemle xӓbӓrendӓ yazğança, Törkiyӓ tarafınnan Paqıstanğa êksportlanğan MİLGEM milli köymӓse korvetlarınıň öçençese kiçӓ Törkiyӓ saqlanu ministrı Hulusi Akar hӓm Paqıstan saqlanu citeşterü ministrı Zubaida Jalal qatnaşında tantanalı rӓweştӓ tapşırıldı. Ministr Akar tantanada yasağan çığışında “Suğış hӓm keşelek cinayӓtlӓre qılğan Ӓrmӓnstan bu cinayӓt’lӓr öçen Azӓrbaycan armiyӓse aldında birgӓne kebek tarix hӓm xalıqara xoquq aldında da cawap birӓçӓk” dide.
“Yaňa Şafak” gazetı “Köçebezne Törkiyӓdӓn alabız” isemle xӓbӓrendӓ Tön’yaq Kipr Törek Cömhüriyӓte ilbaşı Êrsin Tatarnıň kiçӓ yasağan belderüendӓ “Bez köçebezne Törkiyӓdӓn alabız. Törkiyӓ belӓn garmoniyӓle êşlӓw bezne köçle itӓ. Bigrӓk tӓ soňğı dӓwerdӓ uglevodorod baylığ barlıqqa kilü belӓn bolarnı urtaqlaşu hӓm bu ilneň kilӓçӓge öçen niqadӓr möhim buluı aňlayışı belӓn hӓrwaqıt Törkiyӓ Cömhüriyӓte belӓn xӓrӓkӓt itӓrgӓ tiyeşbez”dide.
