Törek matbuğatına küzätü 20.10.2020
Qayber törek basmalarına küzätü
“Xäbär türk” gazetı beldergänçä Törkiyä V’yetnam häm Kampuçiyada barlıqqa kilgän ğarasatlarda ülüçelär öçen bu il xalıqlarınıñ qayğısı belän urtaqlaştı.
Xäbärgä kürä tışqı êşlär ministrlığınnan yasalğan yazma açıqlawda tübändägeçä äytelde: “V’yetnam häm Kampuçiyada Linfa häm Nangka ğarasatları kiterep çığarğan su basu häm cir şuışularda şaqtıy keşeneñ ğomere özelüen häm zur zıyannıñ salınuın borçu belän öyrändek. Ülüçelärneñ yaqınnarı häm dus V’yetnam häm Kampuçiya xalıqları belän xökümätläreneñ qayğıların urtaqlaşabız, yaralanuçılarğa şifalar telibez.”
“Xörriyät” basması yazğança Törkiyä Qara diñgezdä başta 320, annarı 85 milliard m3 tabiğıy gaz taptı. Ênergetika ministrı Fatix Dönmäz Sakaryaz Gaz mäydanında tabılğan tabiğıy gaznı citeşterä başlaw öçen yaqınça 40 skvajinanıñ açıluı zarurlığın belderep, citeşterüneñ 2023 yılda başlanuı öçen êşçänlek alıp baruların äytte.
“Watan” gazetı citkergänçä Säwdä ministrı Ruxsar Pekcan pandemiyadan täêsirlänmägän tarmaq häm ilneñ bulmawın äytte.
Xäbärdä ministrnıñ tübäñdäge süzläre urın ala: “İqtisadi qalqınu häm xezmättäşlek oyışması OECD 16 oktäbr’dä açıqlanğan xisapta OECD illäre arasıda 2020 yılın Qıtay häm Kön’yaq Koreyadan soñ iñ äz zarar belän tämamlayaçaq ilneñ Törkiyä buluın citkerde.”
“Star” basması xäbärenä kürä Tön’yaq Kipr Törek Cömhüriyätendä Ärsin Tatarnıñ ilbaşı bulıp saylanuı belän yaña çornıñ başlanuın äytkän belgeçlär 46 yıl buyı yabıq bulğan Maraş töbägeneñ açıluı belän milli keremneñ ike tapqırğa artaçağın, Kipr törekläreneñ greklar qarşında sanalmawçı xoquqlarınıñ saqlanaçağın häm Törkiyäneñ Könçığış Urta diñgezdä tağın da köçäyäçägen belderde.
“Sabah” gazetı beldergänçä Törkiyä tapqan yaña tabiğıy gaz rezevınnan soñ kiçä üskän İstanbul birjası 100 indeksı 27 iyul’däge däräcäsennän arttı.
Xäbärgä kürä İstanbul birjası soñğı 8 aynıñ iñ yuğarı däräcäsenä mende.
