Törek matbuğatına küzätü 05.08.2020
5nçe avgustta basılıp çıqqan qayber törek gazetlarına küzätü
“Yäni Şafak” gazetı: “İlbaşı Ärdoğan: “Härwaqıt Livannıñ yanında bulaçaqbız””
İlbaşı Räcäp Tayyip Ärdoğan Livanda barlıqqa kilgän şartlaw belän bäyle bularaq ğaräpçä şäxsi sośial’ media akkauntınnan fikerlären citkerde. Ärdoğan: “Törkiyä bularaq härwaqıt Livannıñ häm Livan qardäşlärebezneñ yanında bulaçaqbız”, - dip äytte.
“Star” gazetı: “Franśuz gazetı: “İlbaşı Ärdoğan Urta diñgezdä kartanı yañadan sızdı”
Franśuz “Le Figaro” gazetında İlbaşı Ärdoğannıñ Fatih Soltan Mäxmätkä oxşawı turında xäbär çıqtı. Xäbärdä Ärdoğannıñ Liviya Baş ministrı Fayiz äs-Särrac belän Urta diñgezdä kartanı yañadan sızuı äytelde. Yazmada Särracnıñ Könbatış berlektäşläreneñ üzen yalğız qaldırğannan soñ Törkiyä belän kileşergä mäcbür buluı assızıqlandı.
“Sabah” gazetı: “Törkiyä “Kovid-19” vakśinasında keşe êksperimentlarına başlıy”
Yaña tör koronavirus (Kovid-19) kizüendä cirle vakśina häm daru êşçänlege bar tizlegenä däwam itä. Törkiyä fänni häm texnologik tikşerenü oyışması TÜBİTAK vakśina êşçänlegendä xayvannar östendäge täcribälärendä möhim êtapqa citte. Keşe östendäge sınap qaraw êtabı isä bik yaqın waqıtta başlanaçaq.
“Watan” gazetı: “Törkiyä iq’tisadı “Kovid-19”ğa qaramastan üsä”
Awrupa Berlege iq’tisadı yılnıñ ikençe çiregendä 11,9%,Amerika Quşma Ştatları êkonomikası da 32,9%qa keçeräygän bulsa, Törkiyä iq’tisadı üsärgä däwam itä. Törkiyäneñ iyül’ ayı êksportı iyün’gä qarağanda 11,5% artış belän 15 milliard 12 million dollar buldı. Êksport “Kovid-19” kizüennän aldağı däräcäsen dä uzıp, 2020nçe yılnıñ iñ yuğarı qimmätenä citte.
“Xäbär Türk” gazetı: “Ministr Albayraq: “Böten êksportçılarıbıznı täbrik itäm”
Kazna häm finans ministrı Bärat Albayraq “Twitter” akkauntınnan iyül’ ayı êksport sannarın bäyäläde. Törkiyäneñ iyül’ ayında 15 milliard dollar êksportqa citüen belderüçe Albayraq: “Bu 2020nçe yılnıñ iñ yuğarı däräcäse buldı. Böten êksportyorlarıbıznı täbrik itäm”, - dip äytte.
