Törek matbuğatına küzätü 03.06 2020

"Yäni Şafak" gazetı: "Kizüdän soñ berençe säfär" 

Yaña tör koronavirus (Kovid-19) kizüennän soñ berençe çit il säfären yasawçı İlbaşı Räcäp Tayyip Ärdoğan kiçä Qatar Ámire Şäyex Tämim bin Hamäd Al Sani belän oçraştı. Räsmi aş mäclesennän soñ İlbaşı Ärdoğan Törkiyädä qayttı.

"Xäbär Türk" gazetı: "Çavuşoğlunnan Germaniyada Turizm yullamaları"

Tışqı éşlär ministrı Mäwlüt Çavuşoğlu, Germaniyada Tışqı éşlär ministrı  Heiko Maas belän ütkärgän söyläşüdän soñ Awrupa Berlegeneñ Törkiyägá qarata säyäxät kisätüen ğamäldän çığarmawın "xıyallarnıñ aqlanmawı" bularaq bäyäläde. Mäwlüt Çavuşoğlu ayıruça Könçığış Urta diñgezdä Franšiya belän yäşängän kiyerenkelekkä qağılışlı bularaq: "Köymälärebezneñ (Franšiya köymälärenä) blok yasawı döres tügel. Franšiyanıñ bezdän ğafu ütenüe kiräk", - dip äytte. 

"Watan" gazetı: "İlbaşı idaräse süzçese Qalın:" Törkiyä yannarında toruın däwam itäçäk""

İlbaşı idaräse süzçese İbrahim Qalın İzrailneñ xalıqara xoquqnı iğtibarsız qaldırğan annekšiya häm yawlap alu kereşüeneñ hiçber legallegeneñ bulmawın belderde. Qalın:" Törkiyä xaqlı häm legal däğwasında Fälästin xalqınıñ yanında bulırğa däwam itäçäk", - dip äytte. 

"Sabah" gazetı: "Ministr Päkcannan éksport açıqlawı" 

Säwdä ministrı Ruhsar Päkcan iyün ayı éksport sannarın açıqladı. Päkcan: 'İyün'dä éksportıbız uzğan yılnıñ şul uq ayına qarağanda 15,8%qa artıp 13 milliard 469 million dollaria citte, mayğa qarağanda da 35%qa arttı", - dip äytte. 

"Xörriyät" gazetı: "Törkiyäneñ bäbi polyar pingvine dönyağa kilde" 

Törkiyäneñ berençe Gentoo törendäge polyar pingvine 38 könlek inkubašiya möddätennän soñ İstanbul akvariumında 100 gram awırlığında dönyağa küzen açtı. Pingvin istemen dä törek xalqı biräçäk.