Törek matbuğatına küzätü 04.06.2020
4nçe iyün' könne çıqqan qayber törek gazetlarına küzätü
“Sabah” gazetı: “Angliyäneñ êlekkege prem’yerı Törkiyägä yärdäme öçen räxmät äytte”
Angliyäneñ êlekkege xökümät räise Gordon Brawn Kovid-19 belän köräş qısalarında Törkiyädän cibärelgän mediśina yärdämenä cawap itep bolay dide: “Monı mömkin qıluları öçen törek xalqına räxmätemne citkerergä telim”.
“Star” gazetı: “Yaponiyäneñ tanılğan professorı Kanekonıñ Törkiyä belderüe”
Yaponiyäneñ tanılğan professorı Satoşi Kaneko Törkiyäneñ pandemiyä belän köräştä dön’yağa yärdämnäre öçen räxmätle buluın belderde. “Törkiyä Bötendön’ya sälamätlek saqlaw oyışmasınıñ çaraları häm täq’dimnärenä köçle teläktäşlek kürsätep zur uñışqa ireşte,”-dide ul.
“Haber Türk” gazetı: “Törkiyäneñ cirle aqça belän säwdä adımı”
Törkiyä 2019nçı yılda 7,6 milliard dollarlıq êksportnı, 11,1 milliard dollarlıq importnı cirle aqça berämlege belän başqardı. Maqsat cirle valyuta belän säwdäne tağın da kiñ cäyelderü. Törkiyä säwdä ministrı Ruhsar Pekcan beldergänçä, Qıtay, Kön’yaq Koreya, Malayziyä, Hindstan häm Yaponiyä belän dä bu mäs’älädä söyläşülär alıp barıla.
“Yeni Şafak” gazetı: “Törkiyä êlemtä iyärçene yasıy aluçı 10 il arasına keräçäk”
Bu xaqta ilneñ transport häm infrastruktura ministrı Adil Karaismailoğlu belderde. Ul 2020nçe yılnıñ soñğı çiregendä Türksat- 5Anıñ, 2021nçe yılnıñ ikençe çiregendä – Türksat 5Bnıñ, 2022nçe yılda isä Türksat 6Anıñ ğalämgä cibäreläçägen citkerde.
“Vatan” gazetı: “Başı öçen 1 million lira premiyä bilgelängän terrorçı üze birelde”
Diyarbakır poliśiyä idaräseneñ künderü êşçänlege näticäsendä PKK oyışması liderlarınıñ berse Xakkarida iminlek köçlärenä täslim buldı. Ul êzlänüçe terrorçılar isemlegendä urın alğan häm anıñ turında mäğ’lümat birüçegä aqçalata premiyä qaralğan ide. Bıyıl barı tik künderü yulı belän üzläre birelgän terrorçı oyışması äğ’zası sanı 82gä citte.
