Törek matbuğatına küzätü 14.05.2020
14 may könne basılıp çıqqan qayber törek basmalarına küzätü
“Yeni Şafak” gazetı Törkiyä Sälamätlek saqlaw ministrı Faxrettin Kocanıñ Bötendön’ya sälamätlek saqlaw oyışmasınıñ Awrupa mödire Dr. Xans Kluge belän videokonferenŝiya aşa söyläşü ütkärüen yaza.
Xäbärgä kürä Kluge Kovid-19 kizüenä qarşı uñışlı köräşe, xalıqara teläktäşlek häm liderlığı öçen Törkiyägä räxmäten belderde.
“Xäbär türk basması beldergänçä Sänägät häm texnologiya ministrı Mostafa Varank koronavirusnıñ irtä êtapta tabıluına qarağan PCR ısulına al’ternativanıñ kilüen belderep bolay dide: “Prototipnıñ iyun’ ayında tämamlanuı planlana.”
“Star” basması yazğança Awrupa Qalqınu bankınıñ regional’ başiqtisadçısı Rodjer Kelli neft’ bäyälärendäge tübänäyüneñ ağımdağı xisap häm inflyaŝiyada uñay täêsirläreneñ küreläçägen belderep: “Törkiyä iqtisadınıñ kiläse yıl yaqınça 6%ka üsüen uylıybız,” – dide.
“Watan” gazetı citkergänçä tämamlanğaç dön’yanıñ ikençe, Awrupanıñ isä 14,5 çaqrım belän iñ ozın ike yullı tonnele bulaçaq Yaña Zigana tonneleneñ 68%ı tözelep bette.
Gazet yazuınça tonnel’ Könçığış Qara diñgez töbägen Yaqın Könçığış, Qavqaz häm İranğa totaştıruçı tarixi Yefäk Yulında urnaşqan.
“Sabah” basması Çukurovanıñ bäräkätle tufraqlarında citeşüçe abrikoslarnıñ şaqtıy ilgä êksportlanuın belderä.
Xäbärdän kürengänçä Adananıñ Kozan ilçäsennän Rusiyä belän ber rättän törle illärgä ciläk-cimeş êksportlawçı êşmäkär Äxmät Sucak ilçädän 500 meñ dolarlık êksport başqaruların äytte.
