Törek matbuğatına küzätü 07.04.2020
7 nçe aprel' könne basılıp çıqqan qayber törek gazetlarına küzätü
”Xӓbӓr Törek“ gazetı “Atatörek hawa mӓydanında hӓm Sancaktӓpӓdӓ 2 xastaxanӓ” isemle xӓbӓrendӓ yazğança, koronavirus belän köräş qısasında İstanbulda 2 xastaxanä tözeläçäk. Bu xaqta Törkiyä ilbaşı Räcäp Tayyip Ärdoğan kabinet cıyılışınnan soň belderde. İlbaşı :“Atatörek aêroportı häm Sancaktepedä meñär keşelek xastaxanä tözibez. 45 kön êçendä alarnı tögällӓp, qullanılışqa tapşıraçaqbız”,-dide.
”Sabah” gazetı “İlbaşı Ӓrdoğanğa xat yazıp virus belӓn körӓştӓ yӓrdӓm soradılar” isemle xӓbӓrendӓ Serbiyӓneň bosniyӓlelӓr küplӓp yӓşӓgӓn Sancak töbӓgendӓ êşçӓnlek başqaruçı Bosniya milli şurasınıň koronavirus belӓn körӓş qısasında Törkiyӓdӓn yӓrdӓm sorawı turında yaza. Şulay uq Tön’yaq Makedoniya tışqı êşlӓr ministrı Nikola Dimitrov ta Kovid -19 belӓn körӓştӓ Törkiyӓdӓn yӓrdӓm sorawların belderde.
”Xörriyӓt” gazetı ”Koronavirusqa qarşı plazma belӓn dӓwalaw dönyada Qıtaydan soň Malatyada başlandı” isemle xӓbӓrendӓ Kovid -19 ğa qarşı plazma belӓn dӓwalawnıň Qıtaydan soň dönyada tӓwge tapqır Törkiyӓdӓ Malatya İnönü universitetınıň Turgut Özal tıyp üzӓgendӓ başlanuın xӓbӓr itӓ. Koronavirustan dӓwalanıp çığuçılardan xastaxanӓdӓ yatuçılarğa plazma birüe sorala.
“Yaňa Şafak” gazetı “Fitch Ratings”tan Törkiyӓ öçen yaxşı xӓbӓr” isemle yazmasında citkergӓnçӓ, koronavirus arqasında dönya iq’tisadı citdi dӓrӓcӓdӓ zıyan kürgӓndӓ xalıqara kredit bӓyӓlӓw oyışması “Fitch Ratings” direktorı Douglas Winslow Törkiyӓdӓ bıyılnıň öçençe çiregennӓn başlap üseşneň artuın, 2021 nçe yılda 4,5%qa citüen kötülӓren belderde.
“Star” gazetı “AQŞ, İtaliya hӓm İspaniyӓdӓn Törkiyӓ cilӓk -cimeşe hӓm yӓşelçӓsenӓ talӓp arttı” isemle xӓbӓrendӓ yazğança, Amerika Quşma Ştatları, İtaliya hӓm İspaniya mart ayında koronovirus yoqtırğan keşe sanındağı artış hӓm ülemnӓrgӓ basım yasadı, öç ilneň dӓ bu dӓwerdӓ Törkiyӓdӓn yaňa ölgergӓn cilӓk – cimeş hӓm yӓşelçӓ talӓbeneň artuı kürenӓ.
