Törek matbuğatına küzätü 31.03.2020
31nçe mart könne çıqqan qayber törek gazetlarına küzätü
“Watan” gazetı : “İlbaşı Ärdoğannıñ milli yärdämläşü kampaniyäse”
Törkiyä ilbaşı Räcäp Tayyip Ärdoğan koronavirusqa qarşı köräş öçen “Üzebez üzebezgä citärbez, Törkiyä” digän şiğär’ belän Milli yärdämläşü kampaniyäse başlap cibärde. Ğailä, mäşğul’lek häm sośial’ xezmätlär ministrlığı monıñ öçen maxsus xisap açuın belderde.
“Star” gazetı: “Törkiyäneñ koronavirustan däwalawda kritik adımı”
Tokat Gaziosmanpaşa universitetı injeneriya häm tabiğat’ beleme fakul’tetında koronavirusnı tanu komplektında qullanu öçen ênzim yasap çığarıldı. Belgeçlär Qıtaydan kilgän komplektlarda 30-40% yalğışu däräcäse buluın, cirle ênzimnar belän xäzerlänäçäk testlarnıñ isä 99,99% döres kürsätäçägen citkerde.
“Sabax” gazetı: “Törkiyä yärdäm sorağan illär arasında tügel”
Xalıqara valyuta fondınıñ Awrupa direktorı Pol Tomsen, koronavirus kizüeneñ dön’ya iq’tisadına zararı artqanda, 81 ilneñ finans yärdäm sorawın belderde. Törkiyä älege isemlektä yuq.
“Xäbär Türk” gazetı: “Koronavirus intensivlığın arttırdı, êşkä alu yarışı başlandı”
Koronavirus kizüe arqasında dön’ya külämendä bik küp şirkät häm xezmätkärläre xafağa qaldı. Törkiyädä isä qayber firmalar artqan ixtiyacnı qanäğat’länderä almıy. Ayıruça, market çeltärläre kibettä dä, internet aşa satıp aluda da ähämiyätle artu kürde. Qayberläre xezmätkärlär êzli başladı. “Migros” çeltäre 1 meñ, “Şok” isä 5 meñ keşene êşkä alaçağın citkerde.
“Yaña Şäfaq” gazetı: “Keşesez hawa aparatı häm oçuçı sanında rekord artış”
Törkiyädä 2019nçe yıl axırına keşesez hawa aparatı sanı 34 meñ 150gä, oçuçı liśenziyäsenä iyä keşe isä 52 meñ 120gä citte. Awırlığı 500 gramnan artqan dronnarnı yasawçılar, satuçılar, aluçılar, êksportlawçılar häm oçırtuçılarnıñ sistemada terkälüläre mäcbürı.
