Törek matbuğatına küzätü 30.03.2020

“Star” gazetı “Törkiyӓneň şӓhӓr xastaxanӓlӓre dönyağa ürnӓk  buldı” isemle xӓbӓrendӓ yazğança,Kovid -19  Qıtayda hӓm Awrupada mediśina xezmӓtkӓrlӓre arasında da kürelgӓndӓ qaraşlar Törkiyӓdӓ soňğı 15 yılda tözelgӓn hӓm zur külӓmle yabıq mӓydannarğa iyӓ şӓhӓr xastaxanӓlӓrenӓ töbӓlde. Qıtayda ütkӓrelgӓn tikşerenügӓ kürӓ , ildӓ koronavirus yoqtrğan 81 meň keşeneň 40%ı anı xastaxanӓdӓ êlӓktergӓn , Törkiyӓdӓ isӓ kiň mӓydandağı şӓhӓr xastaxanӓlӓre virusnıň ildӓ taralu tizlegen yartılaş töşerӓ.

”Yaňa Şafak” gazetı ”Törkiyӓ bu kizüne ciňӓ alaçaq köçkӓ iyӓ” isemle xӓbӓrendӓ Törkiyӓneň 50 ilgӓ daru êksportlawçı “Neutec daru” şirkӓteneň idarӓ şurası başlığı Mӓxmüt Bilgiçneň Törkiyӓneň koronaviusnı ciňӓ alaçaq köçkӓ iyӓ buluı turında ӓytüen citkerӓ. Ul Törkiyӓ külӓmendӓge 25 meň apteka aradaşçılığı belӓn immunitetnı nığıtuçı darular hӓm biologik aktiv vitamin östӓmӓlӓreneň xalıqqa citkerelüen belderde.

”Xӓbӓr Törek” gazetı “Törkiyӓ iq’tisadı bu barışnı iň az zarar belӓn ütkӓrep cibӓrüçe iq’tisadlardan berse bulaçaq” isemle xӓbӓrendӓ Üzӓk bank başlığı urınbasarı Oğuzhan Özbaşnıň Törkiyӓ iq’tisadınıň dinamik strukturası belӓn koronavirus barışın iň az zarar belӓn  hӓm iň qısqa waqıtta uzdırıp cibӓrüçe il bulaçağı turında ӓytkӓn süzlӓren uquçıları belӓn urtaqlaşa.

”Xörriyӓt” gazetı “Franśiya Törkiyӓ kebek çaralar kürmӓde” isemle xӓbӓrendӓ Franśiyanıň “Le Havre” klubında uynawçı törek futbolçı Umut Meraşnıň Franśiyada koronavirus yanawına citdi qaramawların , keşelӓrneň uramnarda yörülӓren, bitlek hӓm pirçӓtkӓ kiyügӓ ӓhӓmiyӓt birmӓwlӓre turında ӓytüen citkerӓ. Meraş:”Franśiyada Törkiyӓdӓge kebek çaralar kürelmӓde. Şuňa kürӓ biredӓ wӓzğiyӓt’ İtaliyadağı kebek naçar. Östӓwenӓ xӓlneň tağın da möşkel bulaçağın belderӓlӓr”,-dide.

“Sabah” gazetı” Futbolçılar başlatqan kampaniyağa telӓktӓşlek arta” isemle xӓbӓrendӓ yazğança, Törkiyӓdӓ futbolçılarnı êşkӓ kereştergӓn tӓwge adım Tuncay Şanlınıň Sakaryadağı qunaqxanӓsen koronavirus belӓn körӓş qısasında mediśina xezmӓtkӓrlӓrenӓ birӓçӓge turındağı açıqlawı belӓn başlanıp kitte. Annan soň Adem Büyük hӓm Merih Demiral sӓlamӓtlek saqlaw ministrlığına bitlek, diagnoz testı hӓm başqa kirӓk -yaraqlar öçen aqça cibӓrde . Demirel uquçılarğa kitaplar hӓm yӓrdӓmgӓ moxtac keşelӓrgӓ azıq-tölek belӓn dӓ yӓrdӓm itte.