”Xörriyӓt” gazetı “İlbaşı Ӓrdoğannan koronavirusqa qarşı tawış yazması” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň koronavirus kizüe sӓbӓple öy telefonnarı aşa “Öydӓ utırığız” dip kisӓtüe turında yaza. Ul mӓcbüri bulmağanda tışqa çıqmasqa çaqırdı.

”Vatan” gazetınıň  “Zararlı êçtälektäge mäğ’lümatlar da Kovid -19  xätle qurqınıç” isemle xӓbӓrennӓn kürengӓnçӓ,Törkiyä ilbaşı idaräseneñ êlemtä bülege başlığı Fahrettin Altun Kovid -19 belän bäyle zararlı mäğ’lümatnıñ virus şikelle ük qurqınıç buluın belderde. Ul monnan qotılu öçen räsmi belderülärne küzätep baru kiräklegen citkerde.

“Sabah” gazetı “Törkiyӓ Könbatışqa cir östennӓn  42 milliard dollar  êksport başqara” isemle xӓbӓrendӓ Xalıqara transport oyışmasınıň strategiya hӓm biznesnı üsterü başlığı Fatix Şӓnӓrneň Törrkiyӓneň Könbatışqa cir östennӓn yıllıq 42 milliard dollar külӓmendӓ êksport başqaruı turındağı süzlӓren uquçıları belӓn urtaqlaşa.

”Xӓbӓr Törek” gazetı “Törkiyӓ yaňa ölgergӓn yӓşelçӓ hӓm cilӓk-cimeş êksportın arttırdı” isemle xabӓrendӓ yazğança,Törkiyӓ ağımdağı yılnıň 1 nçe ğıynwarınnan alıp 19 nçı martqa qadӓrge  dӓwerdӓ 581 million dollar  külӓmendӓ yaňa ölgergӓn cilӓk-cimeş hӓm yӓşelçӓ êksportladı, bu isӓ uzğan yılnıň şul uq çorı belӓn çağıştırğanda 27,6%qa kübrӓk.  

“Star” gazetı ”Törkiyӓneň bӓrӓkӓtle tufraqları 160 million dollar külӓmendӓ tabış kiterde” isemle xӓbӓrendӓ Törkiyӓneň uňdırışlı tufraqlarında üskӓn ,azıq-tölek , mediśina hӓm kosmetika tarmaqlarında qullanılğan qayber üsemleklӓr êksportınıň  il iq’tisadı üseşenӓ öleş kertüen xӓbӓr itӓ. Uzğan yıl alarnı çit illӓrgӓ satudan 160 million dollar tabış alınğan.