Törek matbuğatına küzätü 20.03.2020

“Star” gazetı ilbaşı Räcäp Tayyip Ärdoğannıñ mediśina xezmätkärlärenä räxmät citkerüe turında yaza.

Törkiyä liderı Twitter xisabında “Koronavirusqa qarşı köräştä üzlären qorban itep, tüzemlelek belän êşläwçe barlıq sälamätlek saqlaw belgeçlärenä räxmätemne citkeräm” dip yazdı.  

“Sabax” gazetı “Tiz diagnostika komplektı ğamälgä kerä” dip citkerä.

Sälamätlek saqlaw ministrı Fäxretdin Koca Törkiyä Böyek Millät mäclesendä belderü yasap, koronavirusnı açıqlaw öçen bügennän yaña komplekt qullana başlayaçaqların äytte. “Maqsatıbız kön sayın 10-15 meñ test yasaw,”-dide ul.

 “Yaña Şäfaq” gazetı “Awrupada sälamätlek saqlaw sisteması awır xäldä: Törkiyädän reanimaśiyä karawatları sorıylar” dip yaza.

Reanimaśiyä mömkinlekläre citärlek bulmağan däwlätlär tiz arada yaña üzgäreşlär kertep bu xäldän çığu yulları êzli başladı. Tarmaq wäkilläre Törkiyädä yasaluçı reanimaśiyä karawatlarına İtaliyädän häm başqa illärdän taläpneñ zur buluın belderä.

“Xörriyät” gazetı Vengriyäneñ Törkiyäne sıyınuçı mäs’äläsendä kileşergä çaqıruın xäbär itä.  

Törkiyä tışqı êşlär ministrı Mäwlet Çavuşoğlu Vengriyädäge wazıyfadaşı Piter Sijarto belän telekonferenśiyä oyıştırdı. Vengr ministr bu söyläşüdän soñ jurnalistlarğa: “Awrupa Berlege häm Törkiyä arasında yaña kileşü imzalandı,”-dide.

“Watan” gazetı yazğança, “Futbol, basketbol, voleybol häm gandbol ligaları küçerelde”

Törkiyä yäş’lär êşläre häm sport ministrı Mäxmät Möxärräm Kasapoğlu liga matçlarınıñ koronavirus kizüenä qarşı kürelgän çaralar qısasında kiçekterelüen belderde.