Törek matbuğatına küzӓtü 24.01.2020
24 ğinwar könne basılıp çıqqan qayber törek gazetlarına küzätü
“Xӓbӓr türk” gazetı beldergӓnçӓ Törkiyӓ tışqı êşlӓr ministrı Mӓwlüt Çavuşoğlu Liviyada utnı tuqtatu bozılmağan oçraqta Törkiyӓneñ bu ilgӓ östӓmӓ ğaskӓr cibӓrmӓyӓçӓgen citkerde.
Gazet yazuınça törek ministrı Liviyada iñ möhim kriteriynıñ bӓreleşlӓrneñ tuqtawı buluın assızıqlap, ildӓ sӓyӓsi barışqa yünӓlӓçӓklӓren ӓytte.
“Yӓni Şafak” gazetı Liviyada Xafter köçlӓreneñ Mitiga aêroportın grad raketaları belӓn bombağa totuın, Tripoliğa yaqınayuçı grajdan oçqıçlarına ut açu belӓn yanawın yaza.
Xӓbӓrgӓ kürӓ layıqlı yaldağı pilot, General-leytenant Beyazıt Karataş: tübӓndӓge açıqlawnı yasadı: “Törkiyӓ Liviyağa hawa saqlanu sistemaların cibӓrde. Törek hawa köçlӓre Xafter urınnarına ut aça ala. Monnan soñ utnı tuqtatunı telӓmӓwçe Xafter uylasın beraz.”
“Star” basması yazğança NATO ğomüm sӓrqӓtibe Yens Stoltenberg Törkiyӓneñ bik möhim NATO berlektӓşe buluın belderep: “Törkiyӓneñ NATO ӓğzalegeneñ ӓhӓmiyӓten añlarğa tiyeş bez,” – dide.
Gazet Stoltenbergnıñ süzlӓren uquçıları belӓn urtaqlaşa: “Törkiyӓ şaqtıy sӓbӓptӓn bik möhim NATO berlektӓşe. NATO missiyase hӓm operaśiyalӓrenӓ öleş kertüçe Törkiyӓ şul uq waqıtta DEAŞ terror oyışmasına qarşı ireşkӓn uñışıbızda möhim rol’ uynadı.”
“Xörriyӓt” gazetı 2019 yılda citkergӓnçӓ Törkiyӓneñ saqlanu hӓm aviaśiya êksportı aldağı yılğa qarağanda 35%ka artıp, 2,4 milliard dollarğa citte.
Xӓbӓrdӓn kürengӓnçӓ Törkiyӓdӓ saqlanu hӓm aviaśiya sӓnӓgӓtendӓ 50 meñ tirӓse personal êşli. Törkiyӓ kilӓçӓkneñ xӓrbi oçqıçı, ozın radiuslı hawa saqlanu sistemaları, iyӓrçen hӓm iyӓrçen oçırtu sistemaları kebek ölkӓlӓrdӓ tovar citeşterüne dӓwam itterӓ, dön’yakülӓm şirkӓtlӓr belӓn yarışa alaçaq tovarlar çığara.
“Watan” basması Qazna hӓm finans ministrı Berat Albayraknıñ Törkiyӓneñ citeşterü yağınnan icadi hӓm iniśiativalı tarmaqqa iyӓ buluın belderüen yaza.Xӓbӓrgӓ kürӓ yaña iqtisadi sistemanıñ möhim nӓticӓlӓr birüen ӓytkӓn Albayrak prośent külӓmnӓre hӓm inflyaśiyaneñ töşüennӓn dӓ monıñ kürelüen citkerde. Ministr Törkiyӓdӓ Üzӓk Banknıñ Amerika Quşma Ştatları Üzӓk Bankı qadӓr bӓysez buluın assızıqladı.
