Törek matbuğatına küzätü 20.01.2020

20nçe ğinwar könne basılıp çıqqan qayber törek gazetlarına küzätü

Törek matbuğatına küzätü 20.01.2020

“Sabah” gazetı: “Liviya konferenśiyäse beldergese açıqlandı”

Liviyada daimi utnı tuqtatu häm säyäsi barışnıň başlatıluı maqsatınnan çığıp Germaniya başqalası Berlinda oyıştırılğan konferenśiyağa qağılışlı belderge açıqlandı. Yomğaq beldergesendä utnı tuqtatu belän bergä taraflarğa häm yaqlawçılarına xärbi êşçänlegen tuqtatu häm Berläşkän Millätlär Oyışmasınıň qoral êmbargosın ütäw çaqıruı yasaldı.

“Xäbär Türk” gazetı: “İlbaşı Ärdoğan: “Miçotakis uyınnı yalğış uynıy””

İlbaşı Räcäp Tayyip Ärdoğan Liviyada suğış baronnarı yaqlağan qorallı köçlärneň başındağı tüntäreleşçe häm legal’ bulmağan general Hafterne Greśiyağa çaqırıp üze belän küreşep söyläşkän Greśiya baş ministrı Kiryakos Miçotakiska reakśiya kürsätte. Miçotakis belän NATO sammitında 1,5 säğät’ küreşülären äytüçe Ärdoğan Hafterne yaqlawçı Miçotakisnıň Törkiyä belän mönäsäbätlärdä yaxşı adımnar yasamawın häm uyınnı yalğış uynawın belderde.

“Watan” gazetı: ““Yawız” zondaj köymäsenä Könçığış Urta diňgezdä yaňa wazıyfa”

Törkiyäneň “Yawız” zondaj köymäse Könçığış Urta diňgezdä öçençe zondaj êşçänlegen başqaru öçen utrawnıň kön’yağındağı G röxsät mäydanına kilep citte. Mäs’älä belän bäyle belderü yasawçı tışqı êşlär ministrlığı süzçese Hami Aqsoy: “Kipr törekläreneň xoquqların saqlawda qatğibız. Bu mäydanda utrawnıň urtaq xucası bularaq kipr törekläreneň dä kim digändä kipr grekları qadär xoquqları bar”, - dip äytte.

“Yäni Şafak” gazetı: “2019 êksport yärdämendä rekord quyıldı”

Säwdä ministrı Ruhsar Päkcan êksportqa qağılışlı däwlät yärdämnäre yağınnan 2019nçı yılnıň altın yıl buluna işaräläp: "Yärdäm byuydjetında Cömhüriyät tarixınıň rekordın quydıq häm 3 milliard 200 million lira belän bügengä qadärge êksportta iň yuğarı däwlät yärdämenä ireştek. 2020nçe yılda tovar häm xezmät êksportıbız öçen tuplam 3 milliard 800 million lira külämendä yärdäm byudjetın êksportçılarıbızğa täq’dim itäçäkbez”, - dip äytte.

“Star” gazetı: “Awrupa Berlege: “Törkiyä fondlarında yaňa kisente bulmayaçaq”

Awrupa Berlege berlekkä kerü aldınnan Törkiyägä finans yärdäm fondlarında tağın da kübräk kisente yasalaçağı raslawlarınıň çınbarlıqqa turı kilmäwen belderde. Kiçä Germaniya mediasına nigezlänep taralğan xäbärlärdä Törkiyägä täêmin iteläçäk IPA fondlarınıň 75%ınıň alıp qalaçağı raslawları turında äytelgän ide.



Bäyläneşle xäbärlär