Törek matbuğatına küzätü 23.12.2019

“Star” gazetı yazğança, “Süriyädän kilgän migraśiyäne böten Awrupa xis itäçäk”

İlbaşı Ärdoğan Süriyädä rejim bombalawı däwam itüçe İdlibtän 80 meñ keşelek yaña migraśiyä dulqınına iğ’tibarnı cälep itte. Ul Törkiyäneñ bu möhacir yögen berüze kütärä almayaçağın belderde. “Greśiyädän başlap böten Awrupa xis itäçäk,”-dide Törkiyä ilbaşı.

“Xörriyät” gazetı “Törkiyä yasağan adımnarınnan kire qaytmayaçaq” dip yaza.   İlbaşı Ärdoğan Süriyädä yasağan adımnarınnan häm Liviyä belän tözegän kileşülärennän kire qaytmayaçaqların belderde. Ul Greśiyä, anı yaqlawçı däwlätlär häm Urta diñgez buyındağı qayber ğaräp illäreneñ ozaq waqıtlar Törkiyäne diñgezgä adım yasıy almayaçaq xälgä kiterü öçen xäzerlänüen söyläde. Törkiyäne Liviyä belän diñgezdä kürşe itkän kileşüneñ imzalanuı bu yäşeren uyınnı bozdı.

“Xäbär Türk” gazetı cirkergänçä, “Törkiyä Süriyädä şikelle Liviyädä dä buluın däwam itäçäk”   

Milli saqlanu ministrı Xulusi Akar Törkiyäneñ härwaqıt cäberlänüçe häm zıyan kürüçelär yanında buluın söyläde. “Liviyädä tınıçlıq, xozur häm iminlek täêmin itelgängä qadär liviyäle qardäşlärebez yanında bulaçaqbız,”-dide ul. Akar Liviyä belän tözelgän kileşüne dä telgä alıp, Urta diñgezdä ike däwlätneñ dä xaq häm xoquqları yaqlanaçağın belderde.

“Sabax” gazetı xäbär itkänçä, “Törkiyä öçen tarixi kön: Piri Räis submarinası su belän oçraşrı”.  

“Yaña tör su astı köymäse” proyektınıñ täwge submarinası Piri Räis ilbaşı Ärdoğannıñ qatnaşında kiçä suğa töşerelde. Anıñ 2022nçe yılda xezmätkä kerüe kötelä.      

“Yaña Şäfaq” gazetı “Törkiyädä kruiz turizmı xäräkätkä küçäçäk” dip citkerä

Törkiyä sonğı çorda Urta diñgezdä iñ yaxşı kruiz noqtası iğ’lan itelde. Diñgezçelektä älege tarmaqqa çit illärdä qızıqsınu arta. İñ zur häm lyuks kruiz köymäläre 2021nçe yıldan başlap İstanbul, Kuşadası häm İzmir şikelle bik küp Törkiyä portına daimi säfär oyıştıraçaq.