Törek matbuğatına küzӓtü 20.12.2019

“Xӓbӓr türk” gazetı Törkiyӓ ilbaşı Ӓrdoğannıň yaqınça 20 möselman ile qatnaşqan Malayziyadağı oçraşuda Törkiyӓ, Qıtay, Rusiyӓ hӓm Braziliya arasında al’ternativa tülӓw töre öçen êşçӓnleklӓrneň başqarıluın ӓytüen yaza.

Xӓbӓrdӓn kürengӓnçӓ bu ısul belӓn finans bazarlardağı manipulyaŝiyalӓr beterelӓçӓk.

“Star” gazetı Malayziya prem’yer-ministrı Maxatxir Möxӓmmӓdneň milli citeşterü ölkӓsendӓ Törkiyӓne ürnӓk itep kürsӓtüen citkerӓ.

Xӓbӓrdӓ Maxatxirneň tübӓndӓge süzlӓrenӓ urın birelӓ: “Citeşterü mӓs’ӓlӓsendӓ Törkiyӓgӓ küz salğanda Törkiyӓ saqlanu sӓnӓgӓtendӓ alğarış kürsӓtӓ. Malayziya bu ölkӓdӓ Törkiyӓdӓn küp nӓrsӓ öyrӓnӓ.”

“Watan” gazetı Törkiyӓneň tabiği gaz êzlӓw êşçӓnleklӓren dӓwam ittergӓndӓ ber yaqtan Törkiyӓdӓ neft’ êzlӓw êşçӓnleklӓren tizlӓtüen yaza.

Xӓbӓrgӓ kürӓ Siirt vilayӓteneň Kurtalan rayonındağı Timerqoyı-1 mӓydanında neft’ êzlӓw êşçӓnleklӓre başlatığan ide. Ӓlege mӓydanda 11 million 200 meň miçkӓlek neft’ yatması tabıldı.

“Sabah” gazetı beldergӓnçӓ ênergetika hӓm tabiği çığanaqlar ministrı Fatix Dönmez Törkiyӓ Neft’lӓreneň bıyıl citeşterüdӓ 50 meň miçkӓ maqsatına ireşüen açıqladı.

Gazet ministrnıň tübӓndӓge süzlӓren uquçıları belӓn urtaqlaşa: “Dekabr’ ayında da barlığı 150 meň miçkӓ citeşterü belӓn rekord quydıq.”

“Yeni Şafak” gazetı “Törkiyӓ 163 il arasında êşlӓr hӓm yӓşӓr öçen iň yaxşı 7nçe il buldı” isemle xӓbӓrendӓ Angliyada urnaşqan ber finans oyışmasınıň 163 ildӓn 18 meňnӓn artıq çit il keşeseneň fikeren alıp, ütkӓrgӓn “Expat Explorer” tikşerenüeneň nӓticӓlӓren açıqlawın yaza.

Gazet yazuınça tikşerenügӓ kürӓ Törkiyӓdӓge çit il êşçelӓreneň 62%ı Törkiyӓdӓ tormış sıyfatınıň üz illӓrendӓge şartlarğa kürӓ tağın da yaxşı buluın belderde.