Törek matbuğatına küzätü 09.12.2019
9 dekabr' könne basılğan törek gazetlarına küzätü
“Watan” gazetı xäbärenä kürä Törkiyä ilbaşı Räcäp Tayyip Ärdoğann kiçä İstanbulda yasağan çığışında G-20 äğzase bulğan Törkiyäneň dön’yanıň 13nçe iň zur iqtisadı buluın äytte.
Xäbärdä ilbaşınıň tübändäge süzläre urın ala: “Çittän iň küp turıdan investiṡiya alğan illär isemlegendä 4 basqıçqa kütäreldek. Törkiyägä kilüçe turıdan investiṡiyalär 13 milliard dollarğa citte. İň küp çit investiṡiyase aluçı illärdän berse buldıq.”
“Yäni Şafak” gazetı Törkiyäneň Hindıstan başqalası Yaňa Dälhidäge yanğında yaqtı dön’yadan kitüçelär öçen borçıluın açıqlawın yaza.
Xäbärdän kürengänçä Tışqı êşlär ministrlığı tarafınnan yasalğan açıqlawda: “Hindıstan xalqı häm xökümäte belän fäläkättä ğomere özelüçelär tuğannarınıň qayğısı belän urtalaşabız,” – dip äytelde.
“Xörriyät” gazetı “İstanbuldağı aêroportlardan 11 ayda yaqınça 96 million yulçı säyäxät itte” isemle xäbärendä beldergänçä Däwlät hawa mäydannarı idaräse ğomüm mödirlegeneň räsmi internet säxifäsendäge mäğlümatqa kürä bu yılnıň ğinwar belän noyabr’ ayları arasında İstanbuldağı hawa mäydannarınnan säyäxät itkän yulçı sanı uzğan yılnıň şul uq çorı belän çağıştırğanda 1 million 235 meň 632 keşegä artıp, 95 million 988 meň 89ğa citte.
“Star” gazetı Törkiyäneň 10-12 dekabr’ könnärendä Kuveytta oyıştırılaçaq GDA 2019da İlbaşı idaräse Saqlanu sänägäte räislege koordinaṡiyase häm Saqlanu häm aviaṡiya sänägäte êksportçılar berlege yärdämendä 20 şirkät belän qatnaşaçağın uquçıları belän urtaqlaşa.
“Sabah” gazetı Eczacıbaşı VitrA voleybol taqımınıň Bötendön’ya Xatın-qızlar voleybol çempionatı finalında italiyan İmoco Volley komandasına 3-1 isäbe belän ciňelep, ikençe buluın yaza.
