Törek matbuğatına küzätü 06.12.2019

6 nçı dekabr' könne basılıp çıqqan qayber törek gazetlarına küzätü

Törek matbuğatına küzätü 06.12.2019

 

”Yaña Şafak” gazetınıñ ”Ärdoğan ikençe 4 yaqlı oçraşunıñ İstanbulda uzaçağın belderde” isemle yazmasınnan kürengänçä, ilbaşı Ärdoğan Angliyädä jurnalistlar belän äñgämä ütkärde. Ul: 4 yaqlı sammitnı kim digändä yılda 1 tapqır ütkärü qararına kildek. İkençe sammitnı fevral’ ayında İstanbulda uzdıraçaqbız”dide.

 

”Xörriyät” gazetı “Çavşoğlunnan FETÖ kisätüe” isemle xäbärendä Törkiyä tışqı êşlär ministrı Mävlüt Çavuşoğlunıñ “Fätullahçı terror oyışması”na (FETÖ) bäyle qayber keşe häm törkemnärneñ Awrupa iminlek häm xezmättäşlek oyışmasınıñ qayber cıyılışlarında qatnaşuın belderep, “Bu terrorçı törkem Törkiyä demokratiyäsen cimerergä tırışqan 2016 nı yıldağı tüntäreleş kereşüen oyıştıruçı” dip äytkän süzlären citkerä.

 

”Vatan” gazetı ”İstanbulğa kilüçe turist sanı soñğı 5 yılnıñ iñ yuğarı däräcäsendä” isemle xäbärendä bıyılnıñ 10 ayında İstanbulğa 12 million 690 meñ 576 çit il turistı kilüen häm alar arasında almannarnıñ berençe urında toruın uquçıları belän urtaqlaşa.

 

”Star” gazetı  “Törkiyäneñ täwge ğaläm radiaśiyäsen sınap qaraw asqorması açıldı” isemle xäbärendä Yaqın Könçığış texnik universitetı-Dämät liniyäseneñ açıluın , proyektnıñ iyärçen häm ğaläm êşçänleklärendä çitkä bäylelekne kimetüneñ maqsat itep quyıluın citkerä.  

 

”Sabah” gazetı  Törkiyägä çit il investiśiyäse kertü arta” isemle yazmasında ilbaşı idaräseneñ investiśiya ofisı başlığı Arda Ärmutnıñ dönyada çit il investiśiyäläreneñ kimüen, Törkiyädä isä artuına basım yasap, Törkiyäneñ investiśiya kertü forsatları cähätennän ayırılıp toruı turında äytüen belderä.


 

 



Bäyläneşle xäbärlär