Törek matbuğatına küzätü 25.10.2019

“Sabah” gazetı: “Ärdoğan: “Waqıtı citkäç qaçaqlarğa Awrupa işekläre açılır”

İlbaşı Räcäp Tayyip Ärdoğan Awrupa parlamentı ğomum şurasınıň Süriyädä “oçışqa tıyılğan töbäk” täq’dimenä reakśiya kürsätte. Bu täq’dimne Süriyäneň dürt ber yağında yöz meňnärçä gäyepsez keşe  rejimnıň häm başqa köçlärneň xärbi oçqıçlarınıň bombalawı astında can birgän çaqta kön tärtibenä kitergännären xäterlätüçe Ärdoğan Törkiyädä qunaq itelgän süriyälelärneň Awrupağa kiçüläre turında: “İşeklärne açarbız dip äytkän çaqta awrupalılar qaltırana başlıy. Qaltıranmağız, waqıtı säğäte citkäç bu işeklär dä açılır”, - dip äytte.

“Xäbär Türk” gazetı: “Törkiyä: Awrupa parlamentınıň totışın kire qağabız”

Tışqı êşlär ministrlığı 2019nçı yılnıň 24nçe üktäbr’ könne Awrupa parlamentında qabul itelgän “Solıx çişmäse” xäräkäte temalı qarar ölgese öçen: "Awrupa Parlamentınıň “Solıx çişmäse” xäräkätenä qağılışlı totışın tulısınça kire qağabız”, - dip belderü yasadı. Ministrlıq belderüendä: “Süriyägä qağılışlı “PKK/PYD/YPG” häm “DEAŞ” terrorçılığına häm qanunsız möhacirlekkä qarşı köräş alıp baruçı Törkiyä belän teläktäşlek kürsätü urınına terror oyışmasınıň kön tärtibenä xezmät itüne häm nigezsez raslawlarına iğ’tibar itüne saylap ala”, - dip äytelde.

“Yäni Şafak” gazetı: “Süriyädä östäldän çittä qalğan Awrupa çarasız”

Süriyädä tigezlämälärne üzgärtkän Törkiyäneň xärbi qatışuınnan soň Amerika Quşma Ştatları häm Rusiyä belän ireşelgän kileşülär belän tigezlämädän çittä qalğan Awrupa illäre yaňadan östälgä utıru êzlänüe êçendä.

“Solıx çişmäse” xäräkäte belän bäyle bularaq Törkiyägä qarşı totışta torğan Awrupa illäre Änkaranıň östäldäge uňışınnan soň başta İlbaşı Ärdoğan belän küreşergä teläwlären açıqladılar, annan soň Germaniya imin töbäkne yaqlawın belderde. Belgeçlärgä kürä, bu kereşülär Süriyä tigezlämäsennän çittä qalğan Awrupa liderlarınıň säyäsi manevrı.

“Star” gazetı: “Jeffrey: “Ärdoğan çigenez dide, çigendek”

Amerika Quşma Ştatlarınıň Süriyä maxsus wäkile Jeffrey Senatnıň tışqı mönäsäbätlär komitetında çığış yasadı, “Solıx çişmäse” mäs’äläsendä açıqlawlar yasadı. James Jeffrey “Cömhüriyätçe” partiya senatorlarınnan Romney: “Yäğ’ni Ärdoğan AQŞ İlbaşına şaltıratıp: “Bez kiläbez, aldıbızdan çigenez”, – dip äytte häm bez şunad uq çigendek, şulaymı?” sorawına Jeffrey: “Şulayraq. Çigengän berleklärebez töreklär keräçäk urında ide. Ut urtasında qalmaw öçen yasalğan mantiqlı (mantıyqlı) adım ide. AQŞ çigenmäsä ide dä xätta Törkiyä bu xäräkätne yasar ide”, - dip cawap birde.

“Xörriyät” gazetı: “Êş belän täêmin itü 3 yılda 3 million 200 meňgä artaçaq”

İlbaşı urınbasarı Fuat Oktay Yaňa iq’tisad programmasına kürä kiläse 3 yılda êş belän täêmin itüne 3 million 200 meň keşegä arttıraçaqların belderde. Fuat Oktay aldıbızdağı çorda da finans diśiplinağa täwäkkällek belän däwam itäçäklären häm 2022dä êşsezlekne 9,8%qa töşerüne maqsat itülären belderde.