Törek matbuğatına küzätü 23.09.2019

“Sabah” gazetı “İlbaşı Ärdoğannıñ Amerika Quşma Ştatlarındağı programması bik tığız” isemle xäbärendä Törkiyä ilbaşı Räcäp Tayyip Ärdoğannıñ 24 nçe sentyabr’dä BMO ğomum şurasında çığış yasayasağın, ğomum särqätip Antonio Guterreş belän küreşep söyläşäçägen xäbär itä.

Gazet beldergänçä,ul liderlar dialogı cıyılışında qatnaşıp biredä çığış yasayaçaq. Ärdoğannıñ şulay uq Paqıstan prem’yer-ministrı İmran Khan belän bergä “Näfrät êçtälekle süzlärgä qarşı köräş” isemle çara ütkärüe planlaştırıla. Törkiyä –Malayziya – Paqıstan öç yaqlı cıyılışı uzaçaq. Törkiyä ilbaşınıñ qayber illär däwlät häm xökümät başlıqları belän ike yaqlı söyläşülär ütkärüe dä kötelä.

”Xäbär Törek” gazetınıñ “Törkiyädän AQŞqa Fätullahçı terror oyışması kisätüe” isemle xäbärennän kürengänçä, ilbaşı idaräseneñ êlemtä bülege  başlığı Fahrettin Altun AQŞ cämäğät’çelegen FETÖ mäs’äläsendä kisätte.

 Altun sośial’ media aşa Fätullahçuı terror oyışmasınıñ AQŞtağı qanunsız êşçänlekläre xaqında iskärtep “İğtibarlı bulığız alar här cirdä” dip citkerde.

”Xörriyät” gazetı “Teknofestqa soñğı köndä dä zur qızıqsınu kürsätelde” isemle xäbärendä İstanbulda uzğan aviaśiya ,ğaläm häm texnologiya festivalenä soñğı könne küpläp keşe kilüen xäbär itä. Gazet yazğança,10 meñnärçä keşe festival’ mäydanına ağıldı.

”Yaña Şafak” gazetınıñ “İstanbul hawa mäydannarı cäyen 28 million yulçığa xezmät kürsätte” isemle xäbärennän kürengänçä, uzğan yılnıñ iyün’, iyül’, avgust aylarında Atatörek isemendäge hawa mäydanında 18 million 822 meñ 286 yulçığa, Sabiha Gökçän isemendäge xalıqara hawa mäydanında 9 million 468 meñ 936 yulçığa xezmät kürsätelgän.

 Bıyıl isä İstanbul hawa mäydannarındağı yulçı sanı 437 meñ 590 keşegä artqan.

”Star” gazetı “Sänğät’ äsäre êksportı 5 yılda 5 tapqırğa artqan” isemle xäbärendä bu êksportnıñ 5 yılda 5 tapqırğa artıp 19 million 700 meñ dollarğa citüen uquçıları belän urtaqlaşa.

 Sänğät’ äsärläre iñ küp Angliyägä êksportlanğan, bu tarmaqtağı import isä 5 yılda 55%qa kimegän.