Törek matbuğatına küzätü 16.09.2019
16nçı sentyabr'dä çıqqan qayber törek gazetlarına küzätü
“Watan” gazetı Çavuşoğlu süzläre belän “Törkiyä Kipr törekläre belän yaqınnan xezmättäşlek itä” dip yaza
Törkiyä tışqı êşlär ministrı Mäwlet Çavuşoğlu Greśiyädäge wazıyfadaşı Nikos Xristodulidisnıñ Törkiyä belän Tön’yaq Kipr törek cömhüriyäte ilbaşı Mostafa Akıncı arasında fiker qarşılığı buluı turındağı süzlärenä kisken rizasızlıq kürsätte. Çavuşoğlu grek matbuğatına belderü yasap: “Bez Akıncı, Tön’yaq Kipr törek cömhüriyäte xökümäte häm barlıq säyäsi partiyäläre belän yaqınnan xezmättäşlek itäbez. Nikos üz çiklärennän çıqmasın,”-dide.
“Yaña Şäfaq’” gazetı yazğança, “Netan’yaxunıñ belderüe xurlıqlı”
Tışqı êşlär ministrı Mäwlet Çavuşoğlu İzrail xökümäte räise Bin’yamin Netan’yaxunıñ Yordan üzänlegendä qanunsız cirläşülärne anneksiyäläw niyäte xaqında bolay dide: “Bu xurlıqlı belderü - saylawlarda berniçä tawışqa artığraq qazanu öçen yasalğan tübänçel adım”.
“Xäbär Türk” gazetı citkergänçä, “İstanbul aêroportları 70 million yulçığa taba bara”
Bu yılnıñ ğıynvarınnan başlap avgust ayına qadär İstanbuldağı aêroportlar 466 meñ 906 oçqıç säfäre belän 68 million yarım yulçığa xezmät kürsätte.
“Xörriyät” gazetı yazğança, texnologiyä kereşüläre öçen 1 milliard 100 million liralıq 5 yaña fond tözelä
Bu xaqta Törkiyä sänäğat’ häm texnologiyälär ministrı Mostafa Varank belderde. “Vençur kapitalına teläktäşlek programması qısalarında täêmin iteläçäk çığanaqlardan faydalanu xaqı qazanğan 5 fond öçen protokollaştıru prośessı başlandı,”-dide ul.
“Star” gazetı “Cirle gidropress belän raketa yasalaçaq” dip yaza
Kon’ya texnik universitetı häm Näcmetdin Ärbakan universitetı akademikları tarafınnan uylap çığarılğan gidroformalaştıruçı presslar il iq’tisadına öleş kertäçäk. Ul oçqıç, raketa häm maşinalar yasawda qullanıla.
