Törek matbuğatına küzätü 07.08.2019
7 nçe avgust könne basılıp çıqqan qayber törek gazetlarına küzätü
”Vatan” gazetı “Ärdoğannan imin ışanıçlı töbäk belderüe” isemle xäbärendä Törkiyä ilbaşı Räcäp Tayyip Ärdoğannıñ kiçä 11 nçe tulı wäqalätle ilçelär konferenśiyäsendä çığış yasawın citkerä. İlbaşı Ärdoğan üz çığışında Süriyädä tözü planlaştırılğan ışanıçlı imin töbäk belän bäyle tübändägelärne citkerde:”Süriyäneñ tön’yağındağı terrornı beterü – berençe çirattağı mäs’älabez. “Färat qalqanı” häm “Zäytün botağı” xäräkätläre belän başlatqan barışnı däwam itteräçäkbez”.
”Xäbär Törek” gazetınıñ “Cirle oçuçı maşina yulda” isemle xäbärennän kürengänçä “Baykar” texnik mödire hӓm Törkiyӓneň Texnologiya taqımı waqıfı wӓkillege başlığı Sälçuk Bayraktar Törkiyäneň berençe milli oçuçı maşinası bulaçaq “Cezeri”neň prototibın ӓzerlӓwlӓren citkerde.Anıñ äytüençä, prototip äzer bulğannan soň Teknofestta anı oçırtıp qaraw başqarılaçaq.
”Sabah” gazetı “Törek ğalimnäre yünäleşne Tön’yaq qotıpqa yünältte” isemle xäbärendä Antariktida säfären uñışlı tämamlağan törek ğalimnäreneñ kiläçäktäge tikşerenü qısasına Tön’yaq qotıpnı da östäwlären citkerä. Bu qısada iyül’ ayında täwge êşçänlek tä başqarıldı. Anda nigezdä klimat üzgäreşeneñ êkosistemağa täêsirläre häm êkologiya mäs’äläläre belän bäyle tikşerenülär ütkärelde.
”Yaña Şafak” gazetı “Hawa yulı belän 7 ayda 117 million yulçı” isemle xäbärendä Törkiyädä bıyılnıñ 7 ayında hawa yulı belän säyäxät itüçelär sanınıñ 116 million 858 meñ 460 täşkil itüen belderä. “İstanbul” hawa mäydanında bu däwerdä 22 million 143 meñ 50 yulçığa xezmät kürsätelgän.
”Xörriyät” gazetı “Yaña ölgergän incir Yıraq Könçığışqa cibärelä” isemle xäbärendä bıyıl êksportçılarnıñ 50 million dollar külämendä yaña ölgergän incir satunı maqsat itep quyuların citkerä. Alarnıñ plannarında Yıraq Könçığış bazarına ireşü dä bar. Ägäy ciläk-cimeş häm yäşelçä êksportçıları berlege başlığı Xäyrettin Uçak hawa yulı belän êksportnıñ könnan kön arta baruına basım yasadı. Anın süzlärenä qarağanda bıyıl hawa yulı belän 5 million dollar külämendä yaña ölgergän incir êksportlaw planlaştırıla. Monıñ zur öleşe Yıraq Könçığış bazarına bulaçaq.
