Törek matbuğatına küzätü 24.07.2019
24 nçe iyül' könne basılıp çıqqan qayber törek gazetlarına küzätü
”Yaña Şafak” gazetı “S-400 lärne tapşırunıñ berençe êtabı tögällänä” isemle xäbärendä Rusiya Federal’ xärbi texnik xezmättäşlek xezmäte räise Dmitriy Şugayevnıñ Törkiyägä S-400 saqlanu sistemaları tapşırunıñ berençe êtabınıñ bu atnada tämamlanaçağı turında äytüen citkerä.
”Star” gazetı “Zelenskiydan Törkiyä tözeleş şirkätlärenä maqtaw süzläre” isemle yazmasında Ukraina däwlät başlığı Vladimir Zelenskiynıñ Törkiyä tözeleş şirkätlären maqtaw süzläre belän telgä aluın belderä. Xäbärdän kürengänçä, Zelenskiy yul tözeleşlärendäge problemalarğa tuqtalıp “Normal’ ber şirkät belän, mäsälän törek şirkäte belän êşli alasız” digän.
”Xörriyät” gazetı “Törkiyä saqlanu şirkätläre dönya isemlegendä” isemle xäbärendä törek şirkätläreneñ dönyanıñ iñ tanılğan saqlanu sänäğäte isemlege bularaq qabul itelgän “Defense News Top 100”däge urınnarın nığıtuların xäbär itä.Ul isemlektä ASELAN 52 nçe, STM 85 nçe, ROKETSAN 89 nçı , TUSAŞ 69 nçı urında tora.
”Sabah” gazetınıñ “Törkiyädä 6 ayda 6 meñnän kübräk çit il şirkäte qorıldı” isemle xäbärennän kürengänçä, bıyılnıñ berençe yartıyıllığında Törkiyädä qorılğan çit il kapitallı şirkät sanı uzğan yılnıñ şul uq çorı belän çağıştırğanda 6,86%qa artıp 6 meñ 179 täşkil itte. İñ küp şirkät İstanbulda urnaşqan.
”Vatan” gazetı” Tamğaxanä qapqalarında aldan tutırılğan transport çarası deklaraśiyäse belän uñaylı uzu” isemle xäbärendä çit illärdän Törkiyägä avtomobil’ belän kilep häm internet aşa aldan tutırılğan transport çarası deklaraśiyäse belän avtomobilen dokumentlaştırğan keşelärneñ tamğaxanä qapqalarında êşlären bik tiz tögälläp çik buyınnan caylı ğına uza aluların uquçıları belän urtaqlaşa.
