Törek matbuğatına küzätü 3.07.2019
3nçe iyül'dä çıqqan qayber törek gazetlarına küzätü
“Star” gazetı “Ärdoğan Qıtayda Si Śzın’pin belän oçraştı” dip yaza
İlbaşı Räcäp Tayyip Ärdoğan kiçä Qıtayğa kitte. Ul däwlät başlığı Si Śzın’pin belän oçraşır aldınnan belderü yasadı. “Meñnärçä yıllıq êlemtälärgä iyä, Yefäk yulı belän ber-bersenä bäylängän borınğı mädäniyätlär nigezendä tözelgän Törkiyä-Qıtay xezmättäşlegeneñ köçäyüe öçen mömkinleklärneñ zur buluına ışanam,”-dide Ärdoğan.
“Yaña Şäfaq’” gazetı Törkiyä tışqı êşlär ministrlığınıñ BMOğa kisken reakśiyäse turında yaza
Berläşkän Millätlär oyışması PKK/PYD/YPG qul astındağı SDG komandirı häm ber ük waqıtta separatist terrorçı oyışması äğ’zası Färxät Adli Şahin belän oçraşıp “Ğamällär planı” imzalağan. Törkiyä monı BMO isemennän bik naçar adım buluın belderde häm kisken ğayepläde.
“Sabax” gazetı yazğança “Törkiyä Äsäd rejimın İdlib xaqında kisätte”
Törkiyäneñ BMO Jeneva ofisı qul astındağı daimi wäkile ilçe Sadık Arslan Süriyäneñ İdlib şähärendäge küzätü noqtasına höcüme belän bäyle belderü yasadı. “Törkiyä rejim kontrolendäge töbäklärdän üzeneñ İdlibtäge küzläw noqtalarına höcüm itelüenä cawap birüdän tayçınmas,”-dide ul.
“Watan” gazetı “Ministr Päkcannıñ säwdä turında belderüen” bastıra
Säwdä ministrı Ruxsar Päkcan êksportnıñ 6 ayda 88 milliard dollardan artuın belderde häm: “Cömhüriyät tarixınıñ rekordı yasaldı”,-dide.
“Xäbär türk” gazetı “Açılış farfor êlmä taqta belän yasaldı” dip atalğan mäqalä belän urtaqlaşa
İstanbuldağı Törek häm İslam äsärläre muzeyınıñ êtnografiyä bülegen tözekländerü tamamlandı. Açılış tantanasında mädäniyät häm turizm ministrı Mäxmät Nuri Ärsoy da qatnaştı. Anda Angliyädän qaytarılğan 16nçı ğasırğa qarawçı farfor êlmä taqtanı tanıttılar.
