Törek matbuğatına küzätü 24.06.2019
24nçe iyün' könne çıqqan qayber törek gazetlarına küzätü
“Xörriyät” gazetı yazğança, “İlbaşı Ärdoğan İstanbulğa xäyerle bulsın dide”
Törkiyä ilbaşı häm AK partiyäneñ ğomum räise Räcäp Tayyip Ärdoğan İstanbul xakimiyäte başlığı saylawlarında ciñgän Äkräm İmamoğlunı täbrik itte. Ul bu tawış birü näticäläreneñ şähär öçen xäyerlegä buluın teläde.
“Yaña Şäfaq” gazetı Mäcles räise Şäntopnıñ “Millät ixtiyarı tağın ber qat üzen kürsätte” digän süzlären alğa çığardı
Törkiyä Böyek Millät Mäclese räise Mostafa Şäntop 23nçe iyün’ saylawlarınıñ demokratik ölgerü häm milli ixtiyarnı açıq kürsätüen assızıqladı. Ul Twitter xisabınnan belderü yasap: “Xalqıbız İstanbul öçen üz tawışın birde, xäyerle bulsın. Bu nisbättän İstanbul xakimiyäte başlığı öçen saylawlarda ciñgän xörmätle Äkräm İmamoğlunı täbriklim häm İstanbulğa xäyerle xezmät kürsätäçägen ömet itäm,”-dide.
“Star” gazetı yazğança, “Mursineñ ulı Abdullax Ärdoğanğa räxmät äytte”
Misırda mäxkämä zalında ğomere özelgän ilneñ saylap quyılğan täwge ilbaşı Möxämmät Mursineñ ğailäse Törkiyä ilbaşı Räcäp Tayyip Ärdoğan häm üzlären yalğız qaldırmağan härkemgä räxmätlären citkerde. Ulı Abdullax ätise öçen böten dön’yada millionnarça keşeneñ yıraqtan torıp cenaza namazı qıluın assızıqladı. “Tarixta mondıy waqıyğa bulmağan ide,”-dide ul häm monı oyıştıruçılarğa räxmätlären citkerde.
“Watan” gazetı “Terrorçılıq oyışmasına awır höcüm. San arta” dip yaza
Ğıyraqnıñ Xakurk töbägendä däwam itüçe Pänçä xäräkäten dä kertep ildä täêsirsez xälgä kiterelgän terrorçı sanı 96 buldı. Operaśiyä 27nçe mayda başlanğan ide. Anıñ waqıtında xärbilär PKK terrorçı oyışması qullanğan 8 bülmäle mäğarä taptı. Anda tentü waqıtında küp sanda qoral häm suğış kiräk-yaraqları qulğa töşerelde.
