Törek matbuğatına küzätü 10.06.2019

“Xäbär Törek” gazetınıñ ” 2018 nçe yılda Törkiyädän tuplam 2 milliard 325 million dollar külämendä ciläk-cimeş häm yäşelçä êksportı başqarıldı” isemle xäbärennän kürengänçä, Törkiyä uzğan yıl hawa yulı belän 18 million 58 meñ dollar yaña ölgergän ciläk –cimeş häm yäşelçä sattı.

Hawa yulı belän iñ küp êksport başqarılğan il Gonkong buldı. Bu ilgä 3 million 202 meñ dollar yaña ölgergän ciläk—cimeş häm yäşelçä satıldı. Norvegiya häm Singapur da iñ küp êksport başqarılğan illär arasında urın aldı.

”Yaña Şafak” gazetı “Antaliyada turist rekordı” isemle xäbärendä Antaliya vilayät’ idaräse başlığı Münir Karaloğlunıñ Antaliyağa kilüçe könlek turist sanında rekord quyıluı turında äytüen belderä.

Ul sośial’ media aşa yasağan belderüendä ağımdağı yılnıñ 8 nçe iyünendä Antaliyağa 85 meñ 205 turist kilüen häm mondıy kürsätkeç belän könlek turist sanında rekord quyıluın citkerde.

”Xörriyät” gazetı ”Ägäy töbägendä berençe çirektä 1 milliard 800 million dollar tışqı säwdä artıqlığı” isemle xäbärendä  Ägäy töbägendä 2019 nçı yılnıñ berençe çiregendä 3 milliard 117 million dollar import häm 4 milliard 908 million dollar êksport başqarıluın belderä.

 Ägäy töbägendä berençe çirektä yaqınça 1 milliard 800 million dollar külämendä tışqı säwdä artıqlığı küzätelde.

”Star” gazetı ”Kamillek däräcäsenä layıq buldı, turistlarnı üzenä cälep itte” isemle xäbärendä Törkiyädä Bitlisneñ Tatvan ilçäsendä urnaşqan dönyanıñ ikençe, Törkyäneñ iñ zur krater küle bulğan Nämrut krater külenä bäyräm yallarında küpläp  turist kilüen uquçıları belän urtaqlaşa.

“Awrupalı saylap alınğan säyäxät yünäleşläre” proyektı qısasında “Kamillek büläge”nä layıq bulğan älege kül iskitkeç manzarası belän iğ’tibarnı cälep itä. Töbäkkä kilüçelär tabiği maturlıqlar belän bergä qaynar häm salqın küllär ,boz mäğaräsen dä kürü forsatına iyä.

”Sabah” gazetı ”Mäsut Özil küñellärne yawladı” isemle xäbärendä tanılğan futbolçı Mäsut Özilneñ Törkiyäneñ “Qızılay” yärdäm oyışması aradaşçılığı belän Törkiyä häm Süriyädäge 16 meñ yätim bala häm moxtaclarğa aş mäclese oyıştıruın xäbär itä.
 

Futbolçı şulay uq kübese Afrikadan bulu belän bergä 1000 balanıñ operaśiya çığımnarın da üz östenä aldı.