Törek matbuğatına küzätü 15.04.2019

“Sabah” gazetı: “Ğiraqnıñ (Ğıyraqnıñ) tön’yağına hawa xäräkäte”

Ğiraqnıñ (Ğıyraqnıñ) tön’yağında kiçä oyıştırılğan hawa xäräkätlärendä “PKK” separatist terror oyışması qullanğan tämeklär yuqqa çığarıldı. Milli saqlanu ministrlığınıñ “Twitter” aşa yasalğan belderüendä: "Ğiraqnıñ (Ğıyraqnıñ) tön’yağ Zap, Avaşin-Basyan, Hakurk häm Kandil töbäklärenä oyıştırılğan hawa xäräkätläre näticäsendä “PKK” separatist terror oyışması tarafınnan qoral nığıtması, sıyınır urın häm xärbi kiräk-yaraqlar saqlağıçı bularaq qullanılğan tämeklär yuqqa çığarıldı”, - dip äytelde.

“Watan” gazetı: “THY tarixi küçenüdän soñ yulçısı 1 millionnan arttı”

Törek hawa yulları (THY) Ğomum mödire Bilal Äkşi zur küçenüdän soñ yaña üzäkläre bulğan İstanbul hawa mäydanında qunaq itkän yulçı sanın açıqladı. Äkşi: "Zur küçenü ütkärelgän könnän birle THY bularaq 4 meñ 862 säfärdä tuplam 841 meñ 915 yulçı taşıdıq. Kiçäge yulçılarıbız belän 1 millionnı uzdırdıq. Güzäl bara, tağın da güzäl bulaçaq”, - dip äytte.

“Star” gazetı: “Turistlar 2017nçe yılda Törkiyädä 22,5 milliard dollar sarıf itte”

Turistlar 2017nçe yılda Törkiyädä 22 milliard yarım dollar aqça sarıf itkän. Üzäge Kanadada urnaşqan “Visual Capitalist” şirkäte çit il turistlarınıñ iñ küp aqça sarıf itkän illärne tikşerde. Tikşerenü mäğ’lümatlärenä kürä, çit il turistlarınıñ 2017nçe yılda Törkiyädä 22,5 milliard dollar sarıf itkän.

“Xörriyät” gazetı: “Bäxetle şähär Sinop 1 million turist maqsatın arttırdı”

Törkiyä statistika oyışmasınıñ 2014nçe häm 2016nçı yıl tikşerenülärenä kürä, Törkiyäneñ iñ bäxetle şähäre bulıp bilgelängän häm uzğan yılda 1 million keşe bulıp kitkän Sinopqa bu sezonda kilgän berençe turist törkeme çäçäklär belän qarşılandı. Turistlar Sinopnıñ tabiğäte häm tarixi urınnarı belän qızıqsınuların belderde. Sinop diñgeze, ozın qomlıqları, Hamsilos tabiğät’ parkı, Tatlıca şarlawıqları kebek tabiği maturlığı belän danlıqlı bulsa, tarixi Sinop törmäse, qazılmaları däwam itkän Balatlar qorılmaları häm qıya taşlı kaberläre belän dä iğ’tibarnı cälep itä.

“Yäni Şafak” gazetı: “Galataport dönyağa tanıtıldı”

Tämamlanğannan soñ ber yılda êkipaj belän bergä 1 million yarım yulçığa xezmät biräçäk İstanbulnıñ berdänber töp portı Galataport “Seatrade Cruise Global 2019”da stend belän qatnaşıp, dönyanıñ iñ möhim kruiz şirkätläreneñ yünäleşen İstanbulğa bordı. 113 ildän 643 qatnaşuçı häm 11 meñ başqaruçı belän satıp aluçı qatnaşqan Seatrade yärminkäsendä dönya däwlärenä İstanbul häm Mart 2020dä açılaçaq Galataport İstanbul kruiz portı tanıtıldı.