Törek matbuğatına küzätü 25.03.2019

“Watan” gazetı: “Ministr Çavuşoğlu: “Yänä sezneñ arqada suğış çığaçaq”

Tışqı êşlär ministrı Mäwlüt Çavuşoğlu Yaña Zelandiyada comğa namazı waqıtında yasalğan höcüm belän bäyle bularaq: "Bu cinayät’çe häm artındağı İslam doşmannarı İlbaşı Räcäp Tayyip Ärdoğannı maqsat, tämek itep aldılar. Bügen İslam doşmanlığı häm törek doşmanlığı berläşkän. Säbäbe dä dönyadağı möselmannarnıñ ber kör tawışı bar. Ul da bulsa Törkiyäder”, - dip äytte. Çavuşoğlu, törek häm möselman doşmanlığınıñ aldağı waqıtlarda urının katolik, protestant häm pravoslaviye doşmanlığına qaldıra alaçağın belderep, Awrupanı kisätte. Mäwlüt Çavuşoğlu: "Uzğan çaqlarda bulğanı kebek İkençe Bötendönya suğışı kebek suğış yänä sezneñ arqada çığaçaq”, - dip äytte.

“Star” gazetı: “Törkiyädän Malidäge höcümgä gäyepläw”

Törkiyä, Malineñ Mopti töbägendäge ber awılğa yasalğan höcümne gäyepläp, ülüçelär öçen bu il xalqınıñ qayğısın urtaqlaştı. Tışqı êşlär ministrlığınnan yasalğan yazma belderüdä: "Malineñ Mopti töbägendäge Bankass qasabası yanındağı ber awılğa yasalğan höcümdä şaqtıy keşeneñ häläq’ buluın häm yaralanuın borçılıp belep aldıq. Bu cirängeç höcümne gäyeplibez, qardäş Mali xalqınıñ häm xökümäteneñ qayğısın urtaqlaşabız, häläq’ buluçılarğa Allahtan yarlıqaw häm yaralanuçılarğa aşığıç şifalar telibez”, - dip äytte.

“Xäbär Türk” gazetı: “İstanbul hawa mäydanı yärminkälärgä xalıqara qatnaşunı arttıraçaq”

“Hannover Fairs Turkey yärminkä” ğomum mödire Alexander Kühnel, İstanbul aêroportı belän bergä Törkiyäneñ tağın da kübräk xalıqara hawa xäräkätenä iyä bulaçağın belderep: "Yaña hawa mäydanı belän milli häm xalıqara kilüçelär yärminkälärebezdä tağın da kübräk qatnaşaçaq”, - dip äytte.

“Xörriyät” gazetı: “Dön’ya törek pomidorınnan waz kiçä almıy”

“SERA-BİR” Parnik investorları häm êşläp çığaruçıları berlege başlığı Müslüm Yanmaz, Törkiyäneñ iñ möhim igençelek uñışları êksportınıñ başında pomidornın toruın assızıqlap, bu cähättän parnik êşçänlegeneñ möhimlegenä tuqtalıp uzdı. Yanmaz, şaqtıy ilneñ Törkiyä pomidorı belän qızıqsınuın belderep: "Törkiyädä yaqınça 12 million tonna pomidor citeşteräbez. Monıñ yaqınça 3,5 million tonnası parnikta üsterelä”, - dip äytte. Yanmaz uzğan yılda 53 ilgä 292 million dollar külämendä pomidor êksportınıñ başqarıluın äytte.

“Sabah” gazetı: “MFÖ Änkarada säxnägä çığa”

Mädäniyät häm turizm ministrlığınıñ güzäl sänğät’lär ğomum mödirlege Törkiyäneñ iñ saylap alınğan sänğät’ oyışmalarınnan İlbaşı idaräse simfoniya orkestrın legendar muzıka törkeme “Mazhar-Fuat-Özkan” (MFÖ) belän oçraştıraçaq. Sänğät’ söyüçelärneñ könnär buyı dulqınlanu belän kötkän zur oçraşu Änkara sport zalında 26nçı mart könne bulaçaq.