Törek matbuğatına küzätü 19.03.2019
19nçı mart könne çıqqan qayber törek gazetlarına küzätü
“Watan” gazetı “İlbaşı Ärdoğan Troya müzeye açılışında çığış yasadı” dip yaza
Ul älege çığışında Troya muzeyenıñ Çanakkaläne böten keşelek öçen qabat tartıp toruçı üzäk xälenä äwerelderü proyektınıñber öleşe buluın söyläde. Ärdoğan Troyanıñ 5 meñ yıllıq tarixı belän 1998nçe yılda YuNESKOnıñ bötendön’ya mädäni mirası isemlegenä kertelgän iñ ähämiyätle cirlek buluın belderde.
Sabax gazetı “Xulusi Akarnıñ Yaña Zelandiyädäge terrorçılıq höcüme belän bäyle belderüen” urnaştırğan
Törkiyä milli saqlanu ministrı Xulusi Akar älege waqıyğanıñ islamofobik faşizm terrorçılığınıñ, İslam dine häm töreklärgä qarşı näfrätneñ, ilbaşı Räcäp Tayyip Ärdoğannı küralmawnıñ nindi noqtağa citüen kürsätüen assızıqladı.
“Xäbär Türk” gazetı yazğança, “Awrupa Berlege belän säwdä äyläneşendä uñay balans xökem sörä”
Törkiyäneñ ğıynvar ayında Awrupa Berlegenä êksportı importtan 1 milliard 797 million yevro artığraq buldı. Statistika kürsätkänçä, uzğan yılnıñ ğıynvar ayında Törkiyä Awrupa berlege illärennän 7 milliard 700 million yevrolıq tovar kertkän. Bıyıl isä bu san 5 milliard yevro. Êksport isä, kiresençä, üseştä. Uzğan yılnıñ berençe ayında ABğa 6 milliard yarım yevrolıq tovar satılsa, bıyılnıñ şul uq çorında 6 milliard 800 million yevrolıq çığarıla.
“Xörriyät” gazetı xäbär itkänçä, “İstanbuldağı xalıq sanı 131 ilne artta qaldırdı”
Törkiyäneñ iñ tığız urnaşqan cirlege - İstanbul. Anda terkälüçelär 15 million 67 meñ 724 keşegä citte. Bu dön’yadağı 131 ilneñ xalıq sanınnan kübräk. Tulayım Törkiyädä, 2018nçe yıl mäğ’lümatlarına qarağanda, 82 million 3 meñ 882 keşe terkälgän. Anıñ 18,4%ı İstanbulda yäşi. Şähär Bel’giyä, Greśiyä, Avstriyä, Şveśiyä häm Bolgariyä şikelle illärne xalıq sanı buyınça uzıp kitte.
“Star” gazetı “T129 Atak Latin Amerikasına desant töşerä” dip yaza
Törek aviaśiyä häm ğaläm sänäğate Kön’yaq Amerika töbägendä iñ zur saqlanu sänäğate kürgäzmäsendä qatnaşaçaq. Ul 2nçe -5nçe aprel’ könnärendä Braziliyäneñ Rio-de-Janeyro şähärendä uza. Saqlanu häm İminlek kürgäzmäse LAADta T129 Atak boralağın tanıtaçaqlar. Annan alda texnika ike törle şähärdä Braziliyä wäkillärenä säläten kürsätäçäk.
