Törek matbuğatına küzätü 06.02.2019
6 nçı fevral' könne basılıp çıqqan qayber törek gazetlarına küzätü
“Yaña Şafak” gazetınıñ “Ärdoğannan Süriyä belderüe” isemle xäbärennän kürengänçä, İlbaşı Räcäp Tayyip Ärdoğan AQŞnı Süriyäneñ Münbiç töbäge mäs’äläsendäge wäğ’dälären ütärgä çaqırdı. Ul “Ğadälät häm qalqınu” partiyäseneñ parlament binasında uzğan törkem cıyılışında çığış yasadı. “AQŞ bezgä birgän süzendä tormasa, üz êşebezne üzebez xäl itärbez,”-dip belderde ilbaşı Ärdoğan.
”Star” gazetı “Moratinos Törkiyä bulmasa Śivilizaśiyälär ittifaqı yulın däwam itterä almas ide dip belderde” isemle xäbärendä Berläşkän Millätlär Oyışması Śivilizaśiyälär ittifaqı yuğarı wäkile Miguel Moratinosnıñ “Törkiyä bulmasa ittifaq yulın däwam itterä almas ide. Törkiyä - ittifaqnıñ êşçänleklären däwam itterügä ışanu, inanu belän bäylängän daimi äğ’zası” dip belderüen citkerä.
”Xäbär Törek” gazetı ”Törkiyäneñ Ärzurum qalasında şarlawıqlar bozğa äwerelde” isemle xäbärendä qışqı turizm üzäge bulğan Ärzurumnıñ Uzundärä ilçäsendäge şarlawıqlar qatıp qalu säbäple boz massalarınıñ 300 metr biyeklekkä citüe turında yaza.
”Vatan” gazetı “İstanbulnı gizäçäk” isemle xäbärendä Rusiya modele Katya Grigor’evanıñ bügen Linexpo İstanbul yärminkäsendä qatnaşqannan soñ Mäskäwgä qaytıp kitmäyäçägen ,5 kön buyı İstanbulda qalıp şähärneñ turistik urınnarına, säwdä üzäklärenä baraçağın häm törek rizıqları belän sıylanaçağın uquçları belän urtaqlaşa.
”Sabah” gazetı “Turizmda qışqı sezonda rekord” isemle xäbärendä ağımdağı yılnıñ ğıynwar ayında Törkiyädä turizmda uzğan yılnıñ şul uq ayı belän çağıştırğanda 53,8%qa artış küzätelüen häm 142 meñ 297 turist belän rekord quyıluın citkerä.
