Törek matbuğatına küzätü 04.02.2019
4 nçe fevral' könne basılıp çıqqan qayber törek gazetlarına küzätü
“Sabah” gazetınıñ “Törkiyä belän Awrupa Berlege arasında kritik sammit” isemle xäbärennän kürengänçä, soñğı tapqır 2015 nçe yılda ütkärelgän Awrupa Berlege belän Törkiyä partnyerlıq şurası cıyılışı 15 nçe martta uzaçaq. Cıyılış Bryussel’-Änkara arasındağı mönäsäbätlär cähätennän kritik üzençälektä. Sammitta Törkiyä – Awrupa Berlege mönäsäbätläre törle yaqlap qaralaçaq. Änkara Awrupa Berlege belän mönäsäbätlärne konstruktiv räweştä qaraw yaqlı.
”Xäbär Törek” gazetı ”İstanbulğa 2018 nçe yılda 13 millionnan kübräk turist kilde” isemle xäbärendä uzğan yıl Törkiyäneñ İstanbul şähärenä 13 million 433 meñ 101 çit il turistı kilüe turında yaza.
Bu isä annan êlekke yıl belän çağıştırğanda 24%qa kübräk. 2018 nçe yılda İstanbulğa iñ küp kilüçelär almannar bulğan. Alarnıñ sanı - 1 million 71 meñ 634.
”Star” gazetı “Ciläk êksportı 95%qa arttı” isemle xäbärendä Törkiyäneñ ciläk êksportınıñ 2018 nçe yılda annan êlekke yıl belän çağıştırğanda 95%qa artıp 12 million 283 meñ dollardan 23 million 975 meñ dollarğa citüen citkerä.
Törkiyä uzğan yıl çit illärgä 20 meñ 113 tonna ciläk sattı. Ciläk êksportında berençe urında Rusiya, ikençe urında Rumıniya tora.
“Xörriyät” gazetı “Törek seriallarındağı mebel’lär 179 ilgä satıla” isemle xäbärendä seriallar häm fil’mnärneñ turizmğa da,êksportqa da öleş kertüen xäbär itä.
Tanıtu häm reklamalar turizm häm êksportqa turıdan-turı yoğıntı yasıy. Törkiyädä här yıl 100 dän kübräk serial töşerelä,alar 156 ilgä êksportlana häm bu seriallarnı 500 million keşe qarıy.
Törkiyäneñ mebel’ tarmağı 179 ilgä 3 milliard 134 million dollar külämendä êksport başqardı. Serial häm fil’mnärdä cirle mebel’lärne qullanu êksport häm turizmğa da öleş kertä.
”Yaña Şafak” gazetı “Dönya törek êtlärenä zur qızıqsınu kürsätä” isemle xäbärendä Aksaray Malaklısı iseme belän tanılğan Törkiyäneñ kötüce êtlärenä Awrupadan Qıtayğa qadär şaqtıy ildän taläp kilüe turında yaza.
Älege êtlär 10 meñnän alıp 30 meñgä qadär törek lirasına satıla. Awırlığı 85-90 kilogramm bulğan Aksaray Malaklısı êtläreneñ buyıı 1 metr 70 santimerğa citä.
