Törek matbuğatına küzätü 18.01.2019
18nçe ğıynvar könne çıqqan qayber törek gazetlarına küzätü
“Watan” gazetı “Amerika Quşma Ştatları belän yaña çorda “İrekle säwdä kileşüe” maqsatı” dip yaza
Tışqı iq’tisadi mönäsäbätlär oyışmasınıñ Törkiyä-AQŞ êşlekle şurası räise Mähmät Ali Yalçındağ: “20 milliard dollar däräcäsendäge säwdä äyläneşe bik az, uyınnıñ qağıydälären üzgärtergä kiräk. Monıñ yulı - irekle säwdä kileşüe”-dide. Yalçındağ ilbaşı Räcäp Tayyip Ärdoğan belän AQŞ däwlät başlığı Donal’d Trampnıñ küptän tügel bulğan telefon söyläşüendä ike aradağı iq’tisadi mönäsäbätlärgä basım yasaluın da xäterlätte.
“Yaña Şäfaq’” gazetı yazğança, “İmin töbäk fikere süriyälelärne ömetländerde”
Süriyädä Färat yılğasınıñ könçığışında tözeläçäk imin töbäk illärennän küçenergä mäcbür bulğan millionnarça süriyäledä qabat ömet uyattı. Watannarına kire qaytırğa teläwçelär bu yünäleştä tizräk adım yasaluın teli. Farazlar buyınça, 4 million keşe tuğan cirlärenä yul alırğa mömkin.
“Star” gazetı “Törkiyä awıl xucalığı milli kereme buyınça Awrupada berençe” dip xäbär itä
Törkiyä säwdä palataları häm birjalar berlege räise Rifat Hisarcıklıoğlu: “Bez awıl xucalığı kereme buyınça Awrupada berençe, dön’yada 8nçe urında,”-dip belderde. Ul bu tarmaqnıñ mömkinlekläreneñ tağın da zur buluına basım yasıy. “Törkiyäneñ tirä-yünendä 2 milliard keşe bar. Alar yaqınça 500 milliard dollarlıq igençelek häm terlekçelek produktların çittän ala. Tirä-yünebezdä iskitkeç bazar bar,”-di Rifat Hisarcıklıoğlu.
“Sabah” gazetı yazğança, “Sakariya, Kocaêli häm Bursada çığarılğan texnikanıñ 85%ı çitkä satıldı”
Älege töbäklärdä uzğan yıl säğatenä 177 texnika çığarıldı, monıñ 150se êksportqa cibärelde. Törkiyä avtomobil’ tarmağı uzğan yıl tuplam 1 million 587 meñ 836 maşina çığardı. Alarnıñ 98%qa yaqını Sakariya, Kocaêli häm Bursada citeşterelde.
“Xäbär Türk” gazetı “Katar Dön’ya çempionatı öçen Törkiyägä delegaśiyä cibäräçäk” dip belderä
Katar xökümäte räise häm êçke êşlär ministrı şäyex Abdullax bin Nasir bin Xalifä Al Sani Törkiyäneñ êçke êşlär ministrı Söläyman Soylunı qabul itte. Oçraşuda 2022nçe yılda Katarda uzaçaq Dön’ya Kubogı uyınnarında iminlek çaraları turında söyläştelär. Älege nisbättän il Törkiyägä 31nçe ğıynvarda delegaśiyä cibäräçäk. Alar Super Liga matçlarında qullanılğan qurqınıçsızlıq çaraların öyränäçäk.
