Törek matbuğatına küzätü 14.01.2019
14 nçe ğıynwar könne basılıp çıqqan qayber törek gazetlarına küzätü
”Yaña Şafak” gazetı” Hawa xäräkätendä 3 terrorçı taêsirsez xälgä kiterelde” isemle xäbärendä Ğıyraqnıñ tön’yağındağı Zap häm Sinat-Haftanin töbäklärenä oyıştırılğan hawa xäräkätlärendä kim digändä 3 terrorçınıñ täêsirsez xälgä kiterelüe turında yaza.
Saqlanu ministrlığı beldergänçä, ağımdağı yılnıñ 12 nçe ğıynwarında ütkärelgän hawa xäräkätlärendä terror oyışmasınıñ sıyınu urınnarı häm qoral nığıtmaları yuqqa çığarıldı.
”Xäbär Törek” gazetı ”Çik buyında xärbi künegülär” isemle xäbärendä Törek Qorallı Köçlräre Süriyä çik buyındağı berleklärgä östämä köç bularaq cibärgän berleklärneñ Hatay çik buyında uqıtu-öyrätü künegülärendä qatnaşuların citkerä.
”Sabah” gazetı ”Törkiyä hawa kiñlegennän 15 sekundta 1 oçqıç uzdı” isemle yazmasında Törkiyä transport häm asqorma ministrı Cahit Turhannıñ uzğan yıl Törkiyä hawa kiñlegennän urtaça här 15 sekundta 1 oçqıç uzuı turında äytüen belderä.
Turhan soñğı yıllarda oçqıç belän säyäxät itüçe yulçı sanında artış küzätelüen belderep “Soñğı 10 yılda hawa yulı yulçısı här yıl urtaça 10,5%qa artıp 62 millionnan 210 millionğa citte” dide.
”Star” gazetı ”Cirle qoralda ğorurlıq köne” isemle xäbärendä “Färat qalqanı” häm “Zäytün botağı” xäräkätlärendä bik uñışlı qullanılğan cirle keşesez hawa apparatı ”Bayraktar TB2”neñ dönyanıñ iğ’tibarın cälep itüe turında yaza.
Katardan soñ Ukraina da Törkiyädän 6 “Bayraktar TB2” keşesez hawa apparatı satıp alu öçen kileşü imzaladı.
”Xörriyät” gazetı ”Yaponnar hän Könyaq koreyalılar Törkiyä azıq-tölegen saylıy” isemle xäbärendä Ägäy êksportçılar assośiyäśiyäseneñ Törkiyä azıq-tölegen Yaponiya häm Könyaq Koreya bazarlarında tanıtu maqsatı belän alıp barğan “Turquality” proyektınıñ bu illärgä azıq-tölek êksportın 36%qa arttıruın häm 156 million dollarğa citkerüen uquçıları belän urtaqlaşa.
