Törek matbuğatına küzätü 31.12.2018

”Yäni Şafak” gazetı ”Ärdoğan belän Merkel telefonnan söyläşte” isemle xäbärendä Törkiyä ilbaşı Räcäp Tayyip Ärdoğannıñ  Germaniya kanślerı Angela Merkel belän telefonnan söyläşüe turında yaza.

İlbaşı idaräse beldergänçä, söyläşüdä ike yaqlı mönäsäbätlär, Süriyädäge täräqqiyät’lär ,Awrupağa qanunsız küçenü ,terrorğa qarşı köräş mäsä’läläre quzğatıldı.

”Sabah” gazetı ”Ğadälät ministrınnan möhim belderülär” isemle xäbärendä Törkiyä ğadälät ministrı Abdulhamit Gülneñ “Fätullahçı terror oyışması” citäkçese Fätullah Gülänne Törkiyägä  qaytarıp birü belän bäyle “Yaqında Amerika Quşma Ştatlarınnan prokurorlar,räsmi zatlar Törkiyägä kiläçäk. Kiläse aydan başlap yuridik yärdämlaşü qısasında söyläşü bulır dip kötelä”dip äytüen citkerä.

”Vatan” gazetı “Mobil’ abonent sanı 81 millionğa citte” isemle xäbärendä Törkiyä transport häm asqorma ministrı Cahit Turhannıñ Törkiyädä uzğan yıl azağında 77 million 800 meñ bulğan mobil’ abonent sanınıñ bıyılnıñ öçençe çirek azağında 80 million 600 meñgä citüe turında äytüen belderä.

Xäbärdän kürengänçä, ministr “Törkiyädä êlektron êlemtä tarmağınıñ 3 aylıq bazar mäğ’lümatları” xisabın açıqladı. Yılnıñ öçençe çiregendä tarmaqnıñ üsüen däwam itüen beldergän Cahit Turhan bu wäzğiyät’neñ tarmaq kürsätkeçlärendä dä çağılış tabuın citkerde.

”Xörriyät” gazetı “İran turistlarınıñ populyar urını – Cıbıltäpä” isemle yazmasında Törkiyäneñ tanılğan qışqı turizm üzäkläre arasında urın alğan Cıbıltäpä çañğı şuu üzägenä iranlı turistlarnıñ zur qızıqsınu kürsätüen uquıçıları belän urtaqlaşa.

İskitkeç tabiğäte belän cirle häm çit il turistların üzenä cälep itkän Cıbıltäpägä soñğı yıllarda iranlı turistlar da da küpläp kilä başladı.

”Xäbär Törek” gazetı “2700 yıllıq Frig uyınçıqları” isemle xäbärendä Frig däwerenä qarawçı qızdırılğan balçıqtan yasalğan 2700 yıllıq 3 uyınçıqnıñ Kütahya arxeologiya muzeyında urın aluın citkerä.