Törek matbuğatına küzӓtü 20.12.2018

“Watan” gazetı Törkiyӓneñ êçke êşlӓr ministrı Sölӓyman Soylunıñ bıyıl 347 terror höcümeneñ buldırılmawın citkerüen yaza.

Xӓbӓrdӓ ministrnıñ tübӓndӓge süzlӓre urın ala: “Separatist PKK terror oyışmasına quşıluçılar ӓzӓyde. FETÖnıñ barlıq êlemtӓ çeltӓrlӓre yuqqa çığarıldı. Uzğan yılnı barlığı 697 terror höcümenӓ kirtӓ quydıq, bıyıl – 347esenӓ.”

“Star” gazetı Törkiyӓneñ milli boralaq, xӓrbi oçqıç hӓm keşesez hawa apparatları öçen milli sertifikat sistemasın qoruın xӓbӓr itӓ.

Gazet yazuınça Törkiyӓ Xӓrbi aviaśiya avtoritetı ölgese Milli saqlanu ministrlığına tӓqdim itelde. Törkiyӓneñ bӓysez liśenziya hӓm sertifikatı bulmağanı öçen F-35 oçqıçları öçen yasağan yözlӓrçӓ kisӓkne Amerikan Lokhed Martin markası iseme astında sertifikatlıy ide. Bu bӓylelek yasalğan kisӓklӓrneñ 3nçe illӓrgӓ satuın qıyınlaştıra ide. Xörkuş hӓm Xörjetnı da sertifikatlandıraçaq Törkiyӓ Xӓrbi aviaśiya avtoritetı ölgese yӓrdӓmendӓ saqlanu êksportı artaçaq.

“Xӓbӓr türk” gazetı Törkiyӓneñ yılnıñ 10 ayında êksportlağan 1 milliard 400 million oyıqbaştan yaqınça 900 million dollar tabış aluın yaza.

Xӓbӓrgӓ kürӓ bu çorda oyıqbaşlar iñ küp Böyekbritaniya, Germaniya, Franśiya, Hollandiya hӓm İspaniya kebek Awrupa illӓrenӓ satıldı. Oyıqbaş êksportınnan iñ yuğarı tabış 215 million 300 meñ dollar belӓn Böyekbritaniyadan tӓêmin itelde.

“Xörriyӓt” gazetı Nӓvşӓhirneñ Görӓmӓ şӓhӓrçegendӓ restavraśiyalӓnep, kelӓm kibetenӓ ӓylӓnderelgӓn 450 yıllıq tarixi binanıñ turistlarnıñ yaratqan urınına ӓylӓnüen citkerӓ.

Gazet yazuınça anıñ diwar hӓm idӓnnӓre êlekke motivlar belӓn tuqılğan kelӓmnӓr belӓn qaplanğan. Törkiyӓneñ möhim turizm üzӓklӓrennӓn bulğan Kapadokya töbӓgenӓ kilüçe turistlar kibettӓ Anadolu motivları belӓn bizӓlgӓn kelӓm satıp ala ala hӓm törle kelӓmnӓr arasında rӓsemgӓ töşӓ.