Törek matbuğatına küzätü 05.12.2018
5 nçe dekabr' könne basılıp çıqqan qayber törek gazetlarına küzätü
“Xäbär Törek” gazetı “İlbaşı Ärdoğannan belderü” isemle yazmasında Törkiyä ilbaşı Räcäp Tayyip Ärdoğannıñ Argentinadağı G-20 sammitınnan soñ Paragvay häm Venesuêlağa säfär qılıp kiçä Änkarağa qaytuı turında yaza.
Xäbärdän kürengänçä,Ärdoğan Äsänboğa hawa mäydanında matbuğat oçraşuı ütkärep ,ul töbäklärdäge illär belän mönäsäbätlärne üsterüne däwam itteräçäklären ,terrornıñ barlıq törlärenä qarşı tayanışu häm yärdämläşü kürsätü kiräklegen assızıqladı.
”Xörriyät” gazetı “Binali Yıldırım Qıtaynı strategik,dus il itep kürülären belderde” isemle xäbärendä Törkiyä Böyek Millät Mäclese başlığı Binali Yıldırımnıñ Pekinda prem’yer-ministr Li Kıçiang belän küreşep söyläşüen häm oçraşuda “Tarixi Yefäk yulınıñ Aziyanıñ könçığışınnan Awrupanıñ üzägenä qadär suzılğan yulda urın alğan ike il Törkiyä belän Qıtay. Bez Qıtaynı strategik dus il itep küräbez”dip äytüen citkerä.
”Sabah” gazetı ”Venesuêlada Äminä Ärdoğanğa maxsus programma” isemle yazmasında Törkiyä ilbaşı Räcäp Tayyip Ärdoğannıñ Könyaq Amerika säfärendä qatnaşqan xäläl cefete Äminä Ärdoğannıñ Venesuêlada däwlät başlığınıñ xäläl cefete tarafınnan maxsus programma belän qarşı alınuın citkerä. Anıñ xörmätenä konśert täq’dim itelde häm anda törek cırları da yañğıradı.
”Vatan” gazetı “Törkiyäneñ yıraqtan idarä itelä ala torğan pexotaları” isemle xäbärendä iminlek köçlärenä täq’dim itelgän keşesez cir öste transportınıñ töre häm sanı arttırılaçağın xäbar itä.
Bu qısada keşesez transport törlären doşmanğa yaqınayu häm kiräk bulğanda täêsirsez xälgä kiterü maqsatı belän qullanu küzdä totıla.
”Star” gazetı ”Törek serialları Livanda berençe urında” isemle yazmasında törek seriallarınıñ Livanda 2007 nçe yılda ğaräp telenä dublyaj belän kürsätelä başlawın häm iñ küp qaralğan çit il serialları arasında berençe urında qala birüen uquçıları belän urtaqlaşa.
İldä yäşäwçe ir –atlar törek telen öyränü öçen bu seriallarnı qarawların, livanlı xatın-qızlar isä seriallarnıñ êçtälege, aktyerlarnıñ ostalığı belän bergä Törkiyäneñ tabiği maturlığı ,mädäniyatı häm modasın bik yaratqan öçen bu serailallarnı saylawların belderä.
