Törek matbuğatına küzӓtü 26.11.2018

“Xӓbӓr türk” gazetı Törkiyӓ saqlanu sӓnӓgӓteneň bıyıl MİLGEM hӓm Atak boralağı êksportı kileşülӓrennӓn soň Paqıstanda uzaçaq saqlanu sӓnӓgӓte yӓrminkӓsendӓ qatnaşaçağın yaza.

Xӓbӓrgӓ kürӓ Paqıstannıň Karaçi şӓhӓrendӓ 27-30 noyabr’ könnӓrendӓ 10nçısı oyıştırılaçaq IDEAS Xalıqara saqlanu yӓrminkӓse hӓm seminarı dönyanıň şaqtıy ilennӓn saqlanu sӓnӓgӓte wӓkile hӓm yuğarı dӓrӓcӓle rӓsmi delegaŝiyane oçraştıraçaq.

“Sabah” gazetı Saqlanu sӓnӓgӓte rӓislegeneň iminlek köçlӓreneň ixtıyacların qanӓğatlӓnderü maqsatı belӓn alıp barğan proyektlar qısalarında BMC tarafınnan yasalğan Kirpi 2 transport çaraların tapşıruın citkerӓ.

Gazet yazuınça Kirpi 2 transport çaraları personal, qoral, kirӓk-yaraq hӓm tulılandıru matdӓlӓreneň ışanıçlı hӓm tiz rӓweştӓ küçerelüe, xӓrbi künegülӓr belӓn ber rӓttӓn mina, şartlatqıç qurqınıçı bulğan terrorçılar belӓn bӓreleş, tınıçlıq urnaştıru kebek wazifalarda personal yörtü maqsatı belӓn yasaldı.

“Yӓni Şafak” gazetı Törkiyӓdӓge Makaron sӓnӓgӓtçelӓre cӓmğiyӓteneň idarӓ şurası başlığı Abdulkadir Külahçıoğlunıň Törkiyӓneň 154 ilgӓ makaron êksportların belderep: “Makaron êksportıbız 2016 yılda 831 meň tonna bulğanda uzğan yılnı 1 million 55 meň tonnağa citte. Bıyıl isӓ 1 million 200 meň tonna belӓn tӓmamlawnı küzallıybız,” – digӓn süzlӓren urtaqlaşa.

Xӓbӓrdӓn kürengӓnçӓ Külahçıoğlu ayıruça Afrika illӓreneň küp makaron qullanuına iğtibarnı cӓlep itep, êksportnıň 68%ınıň bu qıtğağa çınğa aşırıluın ӓytte.

“Star” gazetı Törkiyӓneň termal’ turizm üzӓklӓrennӓn Afyonkarahisarnıň ayıruça qış sezonında üzenӓ cӓlep itüen uquçıları belӓn urtaqlaşa.

Gazet yazuınça bay mineralle termal’ suları belӓn tanılğan Afyonkarahisarda 42 dӓrӓcӓdӓge termal’ basseynnarında cӓyen hӓm qışın yözep bula. 5 yoldızlı qunaqxanӓlӓr dӓ aralarında bulğan şaqtıy qorılmada cirle hӓm çit il turistları yal itӓ hӓm törle awıruların dӓwalıy.