Törek matbuğatına küzätü 05.11.2018

“Xörriyät” gazetı Törkiyä ilbaşı Ärdoğannıň İstanbul Arsenalı citäkçelegendä oyıştırılğan Milgem proyektınıň öçençe köymäse TCG Burgazdanı Diňgez köçlärenä tapşıru tantanasında yasağan çığışında soňğı waqıtta Könçığış Urta diňgez häm Ägäydä barlıqqa kilgän waqiğalarnıň ilneň Diňgez köçläreneň kim digändä qalğan citäkçelekläre qadär köçle buluı zarurlığın tağın ber tağqır kürsätüen äytüen yaza.

Xäbärdä Ärdoğannıň tübändäge süzläre urın ala: “Könçığış Urta diňgezdäge tabiği çığanaqlarnıň ilebez häm Tönyaq Kipr Törek Cömhüriyäte çitläşterelep, alınuına qarağan kereşülärne qabul itmäyäçäkbez. Bez berkemneň dä xaq, xoquq, ciren telämibez. Bez barı tik ilebezneň häm qardäşlärebezneň xaqların saqlıybız. Törkiyägä qaramastan Könçığış Urta diňgezdä yäisä Ägäydä adım yasıy alaçaqların uylawçılar zur xata yasawların aňlıy başladı.”

“Sabah” gazetı “Yaponiyağa säfäre qısalarında Nagoyadağı töreklär belän oçraşqan tışqı êşlär ministrı Mäwlüt Çavuşoğlu FETÖ häm separatist PKK terror oyışmasınıň dönyanıň här poçmağında êşçänleklären däwam itterüen citkerep: “Bu oyışmalar Yaponiyada da bar,” – dide.

“Star” gazetı Törkiyäneň 80 ildän yaqınça 2 meň säyäsätçe, êşmäkär häm zıyalını 9nçı Bosfor oçraşuında qabul itärgä äzerlänüen yaza.

Xäbärgä kürä İlbaşı idaräse ximayalarında 26-28 noyabr’ könnärendä İstanbulda uzaçaq yuğarı däräcäle oçraşunıň töp teması “Tınıçlıqnıň däwam itterelüe häm härkem öçen qalqınu” bularaq bilgelände.

“Xäbär türk” gazetı İrandağı 40 tiräse turizm agentlığı wäkileneň Törkiyäneň Trabzon şähärendä küreşep söyläşkän tarmaq xezmätkärläre belän cıyılış ütkärüen citkerä.

Gazet yazuınça Trabzon Säwdä häm sänägät palatasınıň idarä şurası başlığı Suat Hacısalihoğlu ber qunaqxanädä oyıştırılğan cıyılışta yasağan çığışında İran häm Könçığış Qara diňgez arasındağı xezmättäşlekneň töp maqsatınıň ike yaqlı turizm häm säwdäne üsterü buluın äytte.

“Watan” gazetı Törkiyäneň Amputaŝiyalängän futbolçılar milli taqımınıň Meksikada oyıştırılğan Dönya kuboğı finalında Angola komandasına penaltilärdä 5-4 isäbe belän ciňelep, 2 nçe urınnı aluın citkerä.

Gazet yazuınça 2007, 2010, 2012 häm 2014täge dönya kuboklarında öçençe bulğan milli taqım finalda Angolağa ciňelep, berençe tapqır ikençe buldı.