Törek matbuğatına küzätü 19.10.2018
19nçı üktäbr’ könne basılıp çıqqan qayber törek gazetlarına küzätü
“Watan” gazetı: “Ärdoğan ğagauz törkilärenä möracäğät’ itte”
İlbaşı Räcäp Tayyip Ärdoğan Komratta ğağauz törkilärenä möräcäğat’ itte. Komratta bik yaqın waqıtta baş konsullıq açılaçağı söyeneçen citkerüçe Däwlät başlığı Ärdoğan: "Moldovada 5 önemli anlaşmaya imza attık. Aramızdaki bağlar daha da güçlenecek Çok yakında Komrat'ta başkonsolosluğumuzu açacağız. Unutmayın biz Adriyatik'ten Çin Seddi'ne ulaşan 300 milyonluk büyük bir aileyiz" dedi.
“Xörriyät” gazetı: “Ministr Albayraq: “Törkiyä iq’tisadında yäşängän dulqınlanu barışı tuqtadı”
Kazna häm finans ministrı Bärat Albayraq Poyas häm yul sänäğate häm säwdä berlegeneñ (BRICA) İstanbul sammitında: "Törkiyä iq’tisadında häm finans bazarlarındağı dulqınlanu barışı tuqtadı”, dip açıqlaw yasap, törek lirasınıñ amerikan dollarına qarata 21% qimmätlänüenä basım yasadı.
“Star” gazetı: “Törek qorallı köçlärenä 7nçe A400M tapşırıldı”
Törek qorallı köçläreneñ taktik ireşü säläten arttırğan häm “oçqan qal’ğa” bularaq bäyälängän A400M oçqıçlarınıñ sanı arta. Hawa köçläreneñ ixtıyaclarınıñ qanäğät’änderelüe maqsatınnan çığıp alınğan häm Saqlanu sänäğate idaräse tarafınnan alıp barılğan A400M proyektı qısalarında 7nçe oçqıç êşläp çığarılğan İspaniyanıñ Sevilla qalasında tämamlanğan sınap qaraw häm qabul itelüennän soñ törek oçuçıları tarafınnan ilgä kiterelde. Oçqıç Kaysäri 12nçe aviaśiya bazasında urnaştırıldı.
“Xäbär Türk” gazetı: “Pamukkalägä 9 ayda kilüçelär rekordı quyıldı”
Törkiyäneñ iñ möhim xäräbalär urınnarınnan berse bulğan häm BMOnıñ YUNESKO mağärif, belem häm mädäniyät oyışmasınıñ Dön’ya mirası isemlegenä kertelgän Pamukkalägä bıyıl kilgän turist sanı 1 million 750 meñgä citep, uzğan yılğa qarağanda 40%qa artqan. "Aq cännät " Pamukkalägä yılnıñ 9 ayında kilgän turist sanı soñğı 4 yılnıñ iñ yuğarı kilüçelär sanı bularaq terkälde.
“Sabah” gazetı: ““Ahlat ağacı” London fil’m festivalendä”
Rejissyor Nuri Bilgä Cäylannıñ “Ahlat ağacı" fil’me London fil’m festivale qısalarında kino yaratuçılarğa täq’dir itelde. Londonnıñ zatlı kinoteatrlarınnan 400 keşelek Curzon Mayfairdäge kürsätüdä Cäylan da qatnaştı.
