Törek matbuğatına küzätü 24.09.2018
24 nçe sentyabr' könne basılıp çıqqan qayber törek gazetlarına küzätü
“Xörriyät” gazetı ”Ministrlıq prośeduranıñ tämamlanuın citkerde” isemle xäbärendä Törkiyäneñ Paragvay başqalasında tulı wäqalätle ilçelek açu belän bäyle yuridik êşlärne tögälläwen häm Armağan İnci Ärsoynıñ bu ilgä berençe tulı wäqalätle ilçe itep bilgelänüe turında yaza.
Tışqı êşlär ministrlığı beldergänçä, bu qısada Törkiyä tışqı êşlär ministrı Mävlüt Çavuşoğlu Paragvay tışq êşlär ministrı Luis Alberto Kastil’oni belän New – Yorkta küreşep söyläşte.
”Sabah” gazetı “Xör qoş” tapşırunı kötä” isemle xäbärendä Törkiyä aviaśiya häm ğaläm sänäğäte êşläp çığarğan “Xör qoş” oçqıçın noyabr’ ayında tapşırunıñ planlaştırıluın xäbär itä. Gazet yazuınça,tuplam 15 oçqıçnı 2019 nçı yılnıñ berençe yartıyıllığında tapşıru küzdä totıla.
”Star” gazetı “Törek injenerlarına zur büläk” isemle xäbärendä Törkiyä injenerları proyektlağan “Ford Trucks”nıñ yaña töre F-MAXnıñ 2018 nçe yılğı Gannover xalıqara êş transportı yärminkäsendä “Yılnıñ yök maşinası” bülägenä layıq buluın citkerä.
”Vatan” gazetı “Yaña yünäleşlär” isemle xäbärendä Törkiyä turizmındağı al’ternativ yünäleşlärneñ Yaña iq’tisad programmasında urın aluın belderä.
Moña kürä Qıtay, Hindıstan häm Yaponiya berençe çiratta bulu belän bergä Yıraq Könçığış illäre öçen yaña proyektlar äzerlänäçäk. Bu maqsat bazarlarda Törkiyäneñ imidjın tağın da nığıtaçaq.
”Xäbär Törek” gazetı “Öç yaña tınıç şähär “isemle xäbärendä Muğlanıñ Köyceğiz,Bitlisneñ Ahlat häm Ärzincannıñ Kemaliye ilçäläreneñ “Tınıç şähär” bulaçağın uquçıları belän urtaqlaşa. Xäbärdän kürengänçä, Cittaslow korrdinaśiya şurası cıyılışı İtaliyada uzdı.
Cittaslownıñ Törkiyä çeltärenä quşılu öçen möräcäğät’ itkän Köyceğiz,Ahlat häm Kemaliyeneñ namzätlek dos’yeları şurağa tapşırıldı.
