Törek matbuğatına küzӓtü 13.09.2018

“Xörriyӓt” gazetı “Ӓrdoğannan valyuta qararı” isemle xӓbӓrendӓ törek lirası qimmӓteneñ saqlanuı belӓn bӓyle ilbaşı qararınıñ “Rӓsmi gazet”ta urın aluın yaza.

Moña kürӓ küçmӓ hӓm küçemsez milek alıp satularda hӓm arendalarda törek lirası qullanılaçaq. Valyuta aşa tözelgӓn kileşülӓr 30 kön êçendӓ törek lirasına ӓylӓnderelӓçӓk.

“Sabah” gazetı “Londonda törek sӓwdӓ üzӓge açıldı” isemle xӓbӓrendӓ Törkiyӓneñ Sӓwdӓ ministrı Ruhsar Pekcannıñ Angliya başqalası Londondağı Törek sӓwdӓ üzӓgen açuın citkerӓ.

Gazet yazuınça ministr Pekcan Törek sӓwdӓ üzӓgendӓ xezmӓt kürsӓtüçe keramika, tözeleş, arxitektura hӓm dizayn tarmaqlarındağı şirkӓtlӓrneñ proyektların tikşerep, mӓğlümat aldı.

“Watan” gazetı “İdlib problemasınıñ çişeleşe Törkiyӓ belӓn xezmӓttӓşlektӓ” isemle xӓbӓrendӓ Qatar tışqı êşlӓr ministrı Şӓyex Möxӓmmӓd bin Abdurrahman bin Casim Ӓl Sanineñ Süriyӓneñ İdlib töbӓgendӓ barlıqqa kilgӓn tӓraqqıyӓtlӓrneñ borçuğa saluçı buluın belderüen yaza.

Xӓbӓrgӓ kürӓ Ӓl Sani bӓreleşsez töbӓk bulğan İdlibneñ terror oyışmalarınnan çistartıluı hӓm tınıç xalıqnı saqlaw yulınıñ Törkiyӓ kebek töbӓktӓge berlektӓşlӓr belӓn xezmӓttӓşlek aşa uzuın belderde.

Gazet yazuınça Süriyӓ rejimınıñ tağın ber tapqır üz xalqına qarata küplӓp üterü başqaraçağına borçıluın citkergӓn El Sani dönyanıñ monı buldırmas öçen citӓrle dӓrӓcӓdӓ tırışlıq quymawın assızıqladı.

“Yӓni Şafak” gazetı “Törkiyӓne ğorurlandıruçı raketa bӓygese” isemle xӓbӓrendӓ Törkiyӓdӓ berençe tapqır raketa bӓygeseneñ oyıştırıluın citkerӓ.

Gazet yazuınça dönyada barı tik Törkiyӓ hӓm Amerika Quşma Ştatlarında uzdırılğan bӓygegӓ 157 törek taqımı mörӓcӓğat’ itte.

Xӓbӓrdӓn kürengӓnçӓ qatnaşuçılardan 5ese kiçӓ üzlӓre yasağan raketaların oçırttı.

“Star” gazetı “İstanbulda aviaśiya, ğalӓm hӓm texnologiya festivale Teknofestka sanawlı könnӓrneñ qaluın uquçıları belӓn urtaqlaşa.

Xӓbӓrgӓ kürӓ 20-23 sentӓbr’ könnӓrendӓ uzaçaq çarada törle bӓygelӓr oyıştırılaçaq, törle illӓrdӓn tanılğan keşelӓr Törkiyӓgӓ kilӓçӓk.

Gazet yazuınça festivaldӓ aviaśiya şowları kürsӓtelӓçӓk.

Dӓwlӓt hӓm şӓxsi tarmaq bergӓ oyıştıraçaq çarada 12 kategoriyadӓ aqçalata bülӓge bulğan texnologiya bӓygelӓre uzaçaq. Teknofestta drone kuboğı da iyӓsenӓ tapşırılaçaq.