Törek matbuğatına küzӓtü 09.08.2018

“Yӓni Şafak” gazetı “Kritik oçraşu” isemle xӓbӓrendӓ Törkiyӓ hӓm AQŞnıñ ruxani Êndrü Kreyg Brunson belӓn başlanğan hӓm ike yaqlı bularaq Ğadӓlӓt hӓm êçke êşlӓr ministrlarına qarata çiklӓwlӓr belӓn üskӓn krizisnı çişӓr öçen östӓl artına utıruın yaza.

Xӓbӓrgӓ kürӓ Vaşingtondağı berençe söylӓşüdӓ Törkiyӓneñ tışqı êşlӓr ministr urınbasarı Sӓdat Önal rӓislegendӓge 9 keşelek wӓkillek qatnaştı.

“Xörriyӓt” gazetı “Qorıç êksportı arttı” isemle xӓbӓrendӓ bu yılnıñ 7 ayında 2017 yılnıñ şul uq çorına kürӓ qorıç tarmağında êksportnıñ 26,7%qa artıp, 8,4 milliard dollarğa citüen uquçıalrı belӓn urtaqlaşa.

Gazet yazuınça bu çorda qorıç tarmağınıñ miqdar bazasında iñ küp êksport başqarğan il törkeme Awrupa Berlege buldı. Awrupa Berlege ilӓrenӓ êksport 62,9%qa artıp, 3 milliard 604 million 730 meñ dollarğa citte.

“Sabah” gazetı Törkiyӓneñ ênergetika hӓm tabiği çığanaqlar ministrı Fatix Dönmӓzneñ atom-töş üzӓk stanśiyasendӓ Aqqoyı hӓm Sinoptan soñ öçençe proyektnıñ Tarkayada bulaçağaın citkerüen yaza.

Xӓbӓrdӓ Dönmӓzneñ tübӓndӓge süzlӓre urın ala: “Trakyadağı üzӓk stanśiyane Qıtay belӓn töziyӓçӓkbez.”

“Watan” gazetı “Dönyada berençe bulaçaq” isemle xӓbӓrendӓ Transport hӓm asqorıma ministrı Mӓxmӓt Cahit Turhannıñ Törkiyӓneñ ğorur proyektları öçen êşçӓnleklӓrne tizlӓtülӓren belderüen citkerӓ.

Gazet yazuınça Turhan “Mega proyekt” bularaq belenüçe 3 qatlı Böyek İstanbul tunnele proyektınıñ dönyada berençe buluın xӓterlӓtep, êşçӓnleklӓre dӓwam itüçe proyektnıñ Töze-êşlӓt-tapşır modele belӓn tendr iğlanına birelӓçӓgen ӓytte.

“Star” gazetı “Qadaqsız mӓçet yıllar buyı saqlana” isemle yazmasında Kastamonunıñ Kasaba awılında Candaroğlu bilӓrennӓn Adil Bӓyneñ ulı Ӓmir Mahmut Bӓy tarafınnan qadaq qullanılmıyça 1366 yılda ağaçtan yasalğan Mӓxmüt Bӓy cӓmiğınıñ cirle hӓm çit il turistlarınıñ iğtibarın cӓlep itüen xӓbӓr itӓ.

Xӓbӓrgӓ kürӓ YUNESKOnıñ Dönya mirası waqıtlıça isemlegendӓ bulğan cӓmiğnıñ dӓaimi isemlegenӓ kertelüe öçen êşçӓnleklӓr dӓwam itӓ.