Törek matbuğatına küzätü 24.07.2018
24nçe iyül’ könne çıqqan qayber törek gazetalarına küzätü
“Xäbär türk” gazetı Albayrak süzläre belän: “Küp ülçämle iq’tisadi diplomatiyanı başlıybız” di.
Qaznaçılıq häm finans ministrı Bärat Albayraq cirdä nıq basıp torğan, köçle üseşkä taba baruların belderde. “Bazarlar belän süz köräştermäyäçäkbez. Min dä qazanıym – sin dä qazan mönäsäbätlärenä bäyle räweştä xäräkät itäçäkbez,”-dide. Ministr Albayraq küp ülçämle iq’tisadi diplomatiya başlawların belderde. “Hiçber waqıt bazardan artqa qalmayaçaqbız,”-dide ul.
“Star” gazetı xäbär itkänçä, “Törek ağımında yar kiçü êşläre başlandı”.
Rusiyäneñ tabiğıy ğazın Törkiyägä häm anıñ aşa Awrupağa iltüçe Törek ağımı gazütkärgeçeneñ Kıyıköy yar buyı êşläre yäkşämbe könne başlandı.
Şul uq “Star” gazetında “Antaliyağa hawa yulı belän kilgän turist sanı 34%qa arttı” digän xäbär bar.
Turizm başqalası Antaliyağa soñğı 6 ayda hawa yulı belän kilgän yulçı sanı, 2017nçe yıl belän çağıştırğanda, 34%qa artıp 6 million 199 meñ 361 buldı.
“Sabax” gazetı “Cirle häm çit il turistı ağıla” dip yaza.
Könbatış Qara diñgez êncese Düzcä töbägeneñ Akçakoca rayonında 30 kilometr ozınlığındağı plyajlar xalıq belän tuldı. Mondağı qomlıqlar qabatlanmas güzällege belän tartıp tora. Kilüçelär arasında küpçelek cirle hän çit il turistları.
“Yaña Şäfaq’” gazetı Germaniya kanślerı Merkel’neñ Özilgä äytkän süzläre belän: “Xörmät itäm, bik küp närsä êşläde,”-dip yaza.
Törek çığışlı futbolçı Mäsüt Özil Germaniya cıyılma komandasında uynamaw qararı birgännän soñ kanśler Angela Merkel’ sportçınıñ qararın ixtiram itüen belderde.
