Törek matbuğatına küzätü 27.03.2018

“Xäbärtürk” gazetı: “Ärdoğannan Awrupa Berlegenä yullama: “Köçle yaqlaw kötäbez””

Bolgariyanıñ Varna şähärendäge Törkiyä-Awrupa Berlege yuğarı däräcäle oçraşuında tulı äğzalek barışınıñ däwam itelüenä häm bergälekkä basım yasaldı. İlbaşı Räcäp Tayyip Ärdoğan sammittan soñ yasağan belderüendä. "Terrorçılıqqa qarşı operaśiyalarıbız Awrupanıñ iminlegenä dä öleş kertä. Bez monnan arı terrorçılıq belän köräş kebek sizger mäs’älälärdä xaqsız tänqitläwlär tügel, köçle yaqlaw kötäbez. Äydägez, köçle, mullıq häm totrıqlılıq yadqäre Awrupanı bergä tözik”, - dip äytte.

“Xäbär Türk” gazetı: ““Zäytün botağı” xäräkäte Täl Rifat häm Mänbiç belän däwam itäçäk”

“Törek qorallı köçläre” häm “İrekle Süriyä ğaskäre”neñ “Färat qalqanı” belän başlap, “Zäytün botağı” xäräkäte belän däwam ittergän çik buyların terror oyışmalarınnan çistartu operaśiyasına Süriyädä Täl Rifat häm Mänbiç operaśiyaları belän däwam itäçäge, Xalebqa 30 çaqrımğa qadär imin töbäk buldıraçağı xäbär itelde. Täl Rifatta Minnag hawa mäydanı kebek möhim logistik baza da urnaşqan.

“Yäni Şafak” gazetı: “Mänbiç törek ğaskären rozalar belän qarşı alaçaq”

Süriyädä “PKKPYD-YPG” separatist terror oyışması basıp alğan şaqtıy şähärdän Törkiyägä "Bezne terrorçılardan qotqarığız” çaqıruları yasala. Soñğı yullama Mänbiçneñ möhim aşirät-qabilä räislärennän Abdulkärim äl Fahheldän yasaldı. Fahhäl xalıqnıñ Törek qorallı köçlären häm İrekle Süriyä ğaskären dürt küz belän kötüen häm rozalar belän qarşı alaçağın äytte.

“Star” gazetı: ““Patriot” täq’dime Waşington citäkçelegennän kilde”

Xökümät süzçese Bäkir Bozdağ İlbaşı Räcäp Tayyip Ärdoğan belän Amerika Quşma Ştatları Däwlät başlığı Donal’d Tramp arasındağı söyläşü waqıtında quzğatılğan Amerika Quşma Ştatlarınıñ Törkiyäne hawa saqlanu sisteması “Patriot” raketaları belän täêmin itüe mäs’äläsen bäyäläde. Bozdağ “Patriot”nı satu täq’dimen Trampnıñ yasawın belderde. Bozdağ: “Xörmätle Tramp İlbaşıbızğa: “Bez sezgä “Patriot” birä alabız,” – dip äytkäç, xörmätle İlbaşıbız da: “Bez dä hawa saqlanu sistemabıznı törleländerä alabız, Törkiyä bularaq Amerika Quşma Ştatlarınnan “Patriot” sistemasın ala alabız” digän söyläşü buldı”, - dip äytte.

“Xörriyät” gazetı: ““ANKA”nıñ kütärelü-töşü sisteması da milli buldı”

Törkiyäneñ TAİ aviaśiya häm ğaläm sänäğäte êşläp çığarğan cirle häm milli keşesez hawa transportı “ANKA İHA”nın kütärelüe häm töşü sistemaları da milliläşterelde. Saqlanu sänäğäte “METEKSAN” êşläp çığarğan sistemanıñ sınap qarawları uñışlı ütkärelde. “METEKSAN” keşesez hawa transportınıñ avtomatik kütärelüe häm töşü sistemalarına radar texnologiyasın qullanıp sizger urnaşu mäğ’lümaten täêmin itüçe häm berençe märtäbä milli bularaq qamilläşterelgän OKİS avtomatik kütärelüe häm töşü sistemasınıñ sınap qarawlarınıñ tämamlanuın belderde. Çit ilgä bäylelegen beterü maqsatınnan çığıp başlatılğan radar nigezle proyekt keşesez hawa transportı (İHA) belän êlemtägä kerep kütärelüne häm töşülärne imin räweştä başqarıluın täêmin itä.