Törek matbuğatına küzätü 23.02.2018
23nçe fevral’ könne basılıp çıqqan qayber törek gazetlarına küzätü
“Yäni Şafak” gazetı: "Mädäniyät häm sänğät maxsus büläkläre tapşırıldı”
İlbaşı Räcäp Tayyip Ärdoğan İlbaşı qolliyäsendä oyıştırılğan Mädäniyät häm sänğät’ maxsus büläkläre tantanasında çığış yasadı. Ärdoğan: “Törkiyäneñ 2023 maqsatlarınıñ anıq êlementları öçen köne-töne êşläp, mädäniyätne häm sänğätne dä hiç iğ’tibarsız qaldıra almıybız”, - dip äytte.
“Xörriyät” gazetı: "Xökümät süzçese açıqladı. Afrinğa qağılışlı möhim küzläw mäğ’lümate”
Premyer-ministr urınbasarı häm xökümät süzçese Bäkir Bozdağ “Anadolu” agentlığı möxärrir bülegendä könüzäk mäs’älälärgä qağılışlı bäyäläwlär yasadı. Bozdağ Süriyä rejimı belän “PKK” separatist terror oyışmasınıñ töbäktäge däwamı “PYD/YPG”neñ Afrin öçen satulaşu ütkärüen, fäqät kileşä almawların belderde. Bozdağ: “Törkiyä töbäktäge terror oyışmaların häm bolarnıñ terrorçıların çistartqanğa qadär bu köräşkä däwam itäçäk. Ägär anda rejim qıyäfäten almaştırıp, “YPG/PYD” kiyemendä anda kersä, alar maqsat, tämek bulaçaq”, - dip äytte.
“Star” gazetı: "Cirle motor belän berençe oçış yasaldı”
TUSAŞ/TAI Törek aviaśiya häm ğaläm sänäğäte akśonerlıq cämğiyäte êşläp çığarğan “ANKA” keşesez hawa apparatı Törkiyädä qamilläşterelgän motorlar belän berençe oçışın yasadı.
“Xäbär Türk” gazetı: "Törek çikläwegenä “Qıtay” qızıqsınuı”
Dön’ya çikläwek citeşterelüe häm êksportınıñ zur öleşenä iyä bulğan Törkiyä öçen Awrupadan soñ Qıtay da möhim bazarğa äylände. Törkiyä Qıtayğa 2007nçe yılda 712 meñ 928 kilogramm çikläwek satqan bulsa, bu miqdar 2017nçe yılda 7 million 307 meñ 265 kilogrammğa citkän. Çin'e 2007-2017 döneminde 26 milyon 74 bin 791 kilogram fındık ihraç edilerek, ülke ekonomisine 216 milyon 258 bin 538 dolar döviz girdisi sağlandı.
“Watan” gazetı: "2 million yarım ingliz Törkiyägä kiläçäk”
Angliyanıñ “ABTA” säyäxät agentlıqları berlege Törkiyäneñ awır yıllardan soñ 2018nçe yıl cäyge çor öçen iğ’tibarğa layıq külämdä bron’ artuınıñ, urınnarı ayırıp quyudağı artışnıñ yärdäme belän yañadan kütärelüen, säyäxät şirkätläreneñ bıyıl Törkiyädä urın ayırıp quyularınıñ 2015nçe yıldağı bron’närgä yaqın bula alaçağın belderelüen citkerde. ABTA 2018nçe yıl cäy sezonı öçen yalın Törkiyädä uzdıraçaq Angliya turist sanınıñ 2 million yarımnan kübräk bula alaçağın belderä.
