Törek matbuğatına küzätü 29.01.2018

 “Xörriyät” gazetı” Afrinğa yul açıldı” isemle xäbärendä “Zäytün botağı” xäräkäteneñ möhim noqtalarınnan berse bulğan Burseya tawınıñ kiçä terrorçılardan çistartıluınnan soñ Afrin üzägenä dä yul açıluı turında yaza.

Törek Qorallı Köçläre beldergänçä, 73 e kiçä bulu belän bergä xäräkät başlanğannan birle 597 terrorçınıñ täêsirsez xälgä kiterelde.  

”Yäni Şafak” gazetı “Bozdağdan AQŞqa reakśiya :plannarnı yuqqa çığaraçaqbız” isemle xäbärendä  prem’yer-ministr urınbasarı häm xökümät süzçese Bäkir Bozdağnıñ Amerika Quşma Ştatlarınıñ terror belän bäyle belderülärenä reakśiya belderep “Monnan soñ Törkiyä süz belän bergä ğamälgä, êşkä dä qarayaçaq. Qızğanıç xäzergä qadär AQŞ räsmiläreneñ Törkiyägä birgän süzläre belän ğamällare ber-bersenä turı kilmäde. Amerika Quşma Ştatları biredäge böten plannarın tarqatmasa bu plannarnı bez yuqqa çığaraçaqbız” dip äytüen citkerä.


”Xäbär Törek” gazetı “Kurs riskı idaräsendä çirat “zurlarda” isemle xäbärendä Törkiyäneñ iq’tisadtan cawaplı prem’yer-ministr urınbasarı Mäxmät Şimşäkneñ  waq häm urta şirkätlärgä yünälgän çaralardan soñ  kurs riskı idaräse belän bäyle êşçänleklärneñ ikençe êtabın zur şirkätlär täşkil itüen belderep “15 million dollardan kübräk valyuta burıçı bulğan 2 meñ 118 şirkät öçen mäğ’lümat bazası häm tärtipkä salu êşçänleklären bıyılnıñ berence yartıyıllığında tämamlayaçaqbız”dip äytüen belderä.   



”Star” gazetı “Törkiyädä täwge tapqır tüläwsez taksi” isemle xäbärendä klimat üzgäreşenä qarşı köräş häm watandaşlarnı velosipedta yörügä agitaśiyäläw maqsatı belän  Törkiyädä êlektr belän êşläwçe velosipedlarnıñ 8 ay buyı watandaşlarğa tüläwsez xezmät kürsätäçägen citkerä.



”Vatan” gazetı ”Kön yaqtısı” proyektı belän 700 balağa belem alu mömkinlege” isemle xäbärendä “Törek Telekom” häm “Ğariplär öçen kirtäsez yäşäw” cämğiyäte alıp barğan “Kön yaqtısı” proyektı 700 balağa belem alu mömkinlege birgändä proyekt qısasında 2018 nçe yılda tağın 200 uquçığa belem birüneñ maqsat itep quyıluın citkerä.