Törek matbuğatına küzӓtü 09.01.2018

“Watan” gazetı Törkiyӓneň 2023 yılğı maqsatı yulındağı zur proyektlardan berse Qara diňgezne Urta diňgezgӓ bӓylӓwçe Kanal İstanbul öçen yünӓleş hӓm rezerv qorılış planınıň tӓmamlanuın yaza.

Xӓbӓrgӓ kürӓ Kanal İstanbul 45,2 çaqrım ozınlığında bulaçaq. İstanbul buğazınnan sӓwdӓ köymӓlӓre 1923tӓ imzalanğan Montrö kileşüenӓ kürӓ uza.

Gazet yazuınça kileşü tözelgӓn çorda buğazdan yıllıq 3 meň köymӓ uza ide. Lӓkin bu san bügenge köndӓ 50 meňgӓ citte. 2030 yılda 65 meň, 2050 yılda isӓ 100 meňgӓ yaqınayaçağı çamalana.

“Sabah” gazetı uzğan yılnıň öçençe çiregendӓ 11,1% belӓn dönyanıň iň küp üskӓn ile bulğan Törkiyӓdӓ üseşneň soňğı çirektӓ dӓ dӓwam itüen citkerӓ.

Xӓbӓrdӓn kürengӓnçӓ Törkiyӓ Statistika oyışması tarafınnan kiçӓ açıqlanğan mӓğlümatlarğa kürӓ sӓnӓgӓt’ citeşterü noyabrdӓ aldağı yılnıň şul uq ayına kürӓ 7% belӓn 5,6% bulğan kötkӓnnӓn kübrӓk arttı.

“Star” gazetı “EMITT 2018gӓ ağılalar” isemle yazmasında Törkiyӓneň iň zur turizm çaralarınnan EMITT 2018neň çit ildӓ zur qızıqsınu kürüen yaza.

Xӓbӓrgӓ kürӓ 25-28 ğinwar könnӓrendӓ İstanbulda işeklӓren açaçaq yӓrminkӓgӓ 106 ildӓn 900dӓn artıq qatnaşuçı kilӓçӓk. Çarada 50 meňnӓn artıq keşe qatnaşaçaq. Qatnaşuçı sanında isӓ uzğan yılğa kürӓ 30%lık artış bar.

“Yӓni Şafak” gazetı “Borınğı DNKnı töreklӓr çişӓçӓk” isemle xӓbӓrendӓ Awrupa tikşerenü şurasınıň neolit çorda Anatoliyada yӓşagӓn meň 500 keşeneň DNK analizlarınıň yasaluı öçen Ӓnkaradağı Urta könçığış texnik universitetına 2 million yarım yevrolık byudjet bülep birüen yaza.

Gazet yazuınça analizlanaçaq ürnӓklӓr Törkiyӓ geografiyasendӓ bügengӓ qadӓr alıp barılğan iň kiň qırlı êşçӓnlek bulaçaq. Êşçӓnlek belӓn genetik tuğanlıq hӓm cӓmğiyӓt’lӓr arasında gen ağımı bilgelӓnӓçӓk.

“Xӓbӓr türk” gazetı “Aq cӓnnӓtkӓ qızıqsınu zur” isemle xӓbӓrendӓ YUNESKO Dönya mirası isemlegendӓ urın alğan Pamukkalӓ Hierapolis borınğı şӓhӓreneň meňnӓrçӓ yıldan birle termal’ dӓwalanu üzӓge bularaq qullanıluın yaza.

Xӓbӓrgӓ kürӓ ütkӓne 2 meň 800 yıldan artıq bulğan borınğı şӓhӓrdӓge basseyn êçendӓge bağana hӓm mӓrmӓrlӓre belӓn ütkӓngӓ sӓfӓrgӓ çığara. Termal’ su qan hӓm yörӓk awıruları, revmatizm, tire, paraliç hӓm nerv xastalıqları belӓn, anı êçkӓç isӓ aşqazanı hӓm êçӓge awırularında bulışa.