Törek matbuğatına küzätü 02.11.2017
2nçe noyabr' könne basılıp çıqqan qayber törek gazetlarına küzätü
“Sabah” gazetı Törkiyä ilbaşı Ärdoğannıñ Bäştäpädäge Millät, mädäniyät häm kongress üzägendä oyıştırılğan 3nçe Turizm şurasında yasağan çığışında turizm tarmağı öçen söyeneçle xäbär birüen yaza.
Gazet yazuınça ilbaşı tübändägeçä citkerde: “Tarmaq kiçergän naçar könnärne artta qaldıra başladıq. Tiskäre närsälärne beterü öçen ğamälgä kertelgän tübän bäyä säyäsäteneñ ähämiyäte zur. Turizmda monnan soñ üseş çorıdır. Däwlätebez tarmaq yanında. Törkiyäneñ potensialı bik zur.”
“Watan” gazetı “Êksportta rekord quyıldı” isemle yazmasında Törkiyä Êksporterlar mäcleseneñ Êksport atnalığı 2017 çarasında çığış yasağan premyer-ministr Binali Yıldırımnıñ êskportnıñ rekord däräcädä artuın äytüen citkerä.
Xäbärgä kürä premyer-ministr üktäbr’ ayında êksportnıñ 15,6% ka artıp, 13,6 milliard dollar buluın häm şul räweşle soñğı 10 yılnıñ rekordınıñ quyıluın açıqladı.
“Yäni Şafak” gazetı “İstanbulğa zur proyekt” isemle xäbärendä Transport, diñgezçelek häm êlemtä ministrı Äxmät Arslannıñ qatnaşqan 3nçe Turizm şurasında planlanğan proyektlar turında añlatuın yaza.
Xäbärdän kürengänçä Arslan barlıq ministrlıklar başqarğan êşçänlekneñ ber-bersen tämamlawın açıqlap: “İstanbulda yaña, zur, diñgezne tutırmıyça ber ük waqıtta 6 zur köymä tuqtıy alaçaq kruiz yaxta portı proyektın başlatabız,” – dide.
“Xäbär türk” gazetı “Sakaryadan Yaponiyağa kitä, qimmäte arta” isemle yazmasında Sakaryanıñ Gäyvä ilçäsendä “sarı almaz” dip ataluçı häm şaqtıy ilgä êksportlanuçı ayvanıñ Yaponiyağa da êksportlanuı öçen êşkä kereşelüne citkerä.
Xäbärdä êçke bazar belän ber rättän Ukraina, Hollandiya, İtaliya, Germaniya, Franśiya häm Rusiyä dä aralarında bulğan şaqtıy ilgä êksportlanuçı ayvanıñ bazardağı öleşeneñ arttırıluı öçen êşçänleklärneñ däwam itüe urın ala.
Gazet yazuınça Gäyvä ayvasının oyıştırıluçı festivallär belän tağın da küp ilgä ireşterelüe maqsat itelä.
“Xörriyät” gazetı UEFA Çempionatlar Ligasınıñ G törkemendä törek taqımı Bäşiktaş Vodafone stadionında franśuz komandası Monaca belän oçraşuın uquçıları belän urtaqlaşa.
Xäbärgä kürä matç 1-1 isäbe belän tögällängän. Törek taqımı törkemdä 10 ball cıydı.
